2 Petero 1:8 - KITAWO MALEŊ Catholic

⁸ Ka wimedo bedo gi gima beyo me madit, bino loko win mayil to wibedo gi kony i rieko mewin kwoŋ Rwodhiwan Yesu Kristo.

KITAWO MALEŊ

⁸ Ka wimedo bedo gi gima beyo me madit, bino loko win mayil to wibedo gi kony i rieko mewin kwoŋ Rwodhiwan Yesu Kristo.

2 Petero 1:8 ပူးပေါင်းရင်းမြစ်များ

Agecin 19:15

Nyapo kelo nindo kende, aka dhano ma gayagaya lacandere kec.

Matayo 13:22

Kodhi m'opodho i kudhin nyutho joma winjo mikwenda, to rembo ri kwo ma piny kodi maro ŋaŋo, diyo wac no piny to lokere gima kinyak.

Matayo 20:3

Go odoko oay to kidho i katale sawa adek to neno jomoro jocungo kenyo ma bu tic.

Matayo 20:6

Dho kapa sawa apar g'acel go okidho i katale kendo to neno ji moro ma fodi oyido jocungo kenyo. Go openjo jo ni, ‘Raŋo ma winyeko ndelo gipi ma wikitim gimoro?’

Matayo 25:26

To rwoth odwoko go ni, ‘Ijatic marac, odoko manyap. Kere ka nende iŋeyo nike akeco kam'aŋat'akicwoy'iye gimoro, aka ajowo kam'aŋat'akikonj'iye gimoro,

Yohana 15:2

Go turo woko jangi yath moro je i an ma kinyak, aka sewila to yiko jangi yath je ma nyak ŋey womedi nyak madit.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 5:42

to aŋeyo win maber, nike wingoye kodi mar pa Were i cuny win.

Joroma 12:11

Tiyi win matek, aka wikiri wibedi manyap. Cway win ri Rwoth gi cuny win je.

1 Jokorintho 15:58

Am'omiyo, wutmera, cungi win matek ma wicwiny, ma wikiyengere. Yindini win ndir je i tic mewin ri Rwoth, rupiri wiŋeyo ni ongoye gima witimo i tic mewin ri Rwoth ma bu kemba.

2 Jokorintho 13:5

Kaŋasa win kwo mewin winen kafodi winitie gi yeyo. Wikuya ni Kristo Yesu nitie i win? Kono kosa timo ameno odhiero win kicutho.

2 Jokorintho 8:2

I tem pajo ma loŋo gi teko ma jolimo, kisangala pajo omedere cuka omiyo jobedo gi yomo ma cuny i wodho mic pajo, kada wegi oyido jocandi.

2 Jokorintho 8:7

Paka wimiyere i gimoro je ma winigine: I yeyo, i luwo, kodi niaŋ, iketho kinen kodi i maro wan ameno bende neni win ni wimedere loyo i silwany ma poko bende.

2 Jokorintho 9:14

Ameno, jobino kwayo riwin gi maro madwoŋ rupiri Were otieko nyutho win nema madwoŋ.

Jofilipi 1:9

Aka me a kwayo paran riwin: Nike mar mewin womedere dongo noknok, i ŋeyo gimoro gi niaŋ maber i wac,

Jofilipi 2:5

Paro mewin ripo bedo paka ma Yesu Kristo oyido nitie gine:

Jofilipi 3:8

Ki meno kende, akwano gimoro je paka podho madwoŋ, rupiri gima diwelo m'oasere a ŋeyo Kristo Yesu Rwoth paran. Ro wac pere atieko bolo woko gimoro je; atero je paka woyo, ŋey alimi Kristo,

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

Jokolosia 2:7

Pidhi win tiendi win i go, aka go wobedi misingi ma kwo mewin. Ridhi win yeyo mewin paka ofonji win, munyo hongo je wifoyo Were.

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

1 Jothesalonika 3:12

Weyi Rwoth womiy marok, i dier wiwegi kodi ri ji je, womedere gi dongo to lokere madwoŋ paka bende wamaro win.

1 Jothesalonika 4:1

Macowe, wutmere, paka witieko fonjere bongi wan kiti kwo ma wiripo bedo gine aka nyaka wisangala Were, onyo wakwayo win, kendo waruma win i nyingi Rwoth Yesu, medere ameda win gi timo ameno.

2 Jothesalonika 1:3

Waripo foyo Were riwin hongo je, wutmin wan! Obedo riwan gim'otire timo ameno, rupiri yeyo mewin medo dongo swa aka mar ma kisi dhano kwoŋ win nitie gine ri nyawote onyo medere.

1 Timothe 5:13

Medo kwoŋ meno, jonyalo fonjere nyapo gi kula ma woth i dhoudi pa ji; aka maloyo kenyo, jonyalo fonjere kiwerawera gi luwirok kicar, gi bedo mayil yil, gi luwo kwoŋ gima di kiripi jowoluwi kwoŋe.

Tito 3:14

Ji mawan joripo fonjere timo tic mabeyo, ŋey jowolimi gikonyirok ma noknok aka nyaka jokiri jowobedi gi kwo m'ongoye kony.

Filimon 1:6

Akwayo Were ni, riwirok mawan kodin paka jom'oyeyo bino miyo wamedo niaŋ kwoŋ gima beyo je ma wanyalo timo ri Kristo.

Joebulaniya 6:12

Wakimiti nike wilokere manyap, to bedi win paka joma joyeyo ma jodiyo cuny jo cuka jolimo gima Were otieko ciko.

2 Petero 1:2

Weyi nema gi siem wobedi mewin i thotho i ŋeyo Were kodi Yesu Rwodhiwan.

2 Petero 1:3

Meni pa Were omiyo wan gimoro je ma wayenyo ma bedo i kwo ma lworo Were, rupiri waŋeyo ŋat'olwoŋo wan gi dwoŋ kodi bero pere won.

2 Petero 2:20

Kole k'inen oyido jotieko budhirok kwoŋ meni ma piny ma kelo tho, to joŋeyo Rwodhiwan kendo Jaboth mawan Yesu Kristo, aka odoko jomoko kendo i meni no to nyalo jo, meno kere nyutho ni jonitie marac rumacen loyo kacako.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.