2 Petero 1:19 - KITAWO MALEŊ Catholic

¹⁹ Aka, wanitie gi wac pa jotuci wac m'otiek ridho. Wibino timo maber ka wiketho paro mewin kwoŋe; kole obedo pa lero ma meny kama col cuka ndelo yawere to lero pa sulwe m'odikin menyo cuny win.

KITAWO MALEŊ

¹⁹ Aka, wanitie gi wac pa jotuci wac m'otiek ridho. Wibino timo maber ka wiketho paro mewin kwoŋe; kole obedo pa lero ma meny kama col cuka ndelo yawere to lero pa sulwe m'odikin menyo cuny win.

2 Petero 1:19 ပူးပေါင်းရင်းမြစ်များ

Zabuli 119:105

Wac perin obedo tala ri tiendan, kodi lero ri yo paran.

Agecin 6:23

Kole or obedo tala aka fonji obedo lero, aka tiro kula obedo yo ma kwo.

Isaya 14:12

Ipodho nedi wok i polo, Awi micala m'odieceŋ, wod ŋamba! Otoŋin nedi kiri piny, in m'oyido iredho piny nonin!

Isaya 41:26

Ŋa m'owaco ginago kamaler wok i cakirok, ŋey wanyal ŋeyo, aka mafodi, ŋey wanyal waco ni, “Go otire?” Ongoye ŋatimoro m'owaco ginago kamaler, ongoye ŋat'otuco, ongoye ŋat'owinjo wac perin.

Isaya 8:20

Ri fonji gi mijulisi! Adieri ri wac ma joluwo me jokilaneno lero.

Isaya 9:2

Ji m'oyido jowotho i mudho, jotieko neno lero madwoŋ, oyido jobedo i piny ma mudho, to lero omenyo jo.

Matayo 4:16

Ji m'oyido jonitie i mudho joneno lero madwoŋ; Aka ri jom'oyido jonitie i piny ma mudho ma tho, lero otieko menyere.”

Yohana 5:35

Yohana oyido obedo paka tala maliel ka miyo lero, aka wiyeyo kiri kisangala i lero pere nyaka hongo macek.

Yohana 5:39

Wifonjere Ndiko Maleŋ rupiri wiparo ni wibino nwaŋ'iye kwo makirum; aka kole Ndiko no ama luwo kwoŋan!

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Tim pa Jomoor 15:29

Wikiri wicam gim'ocow gine jwogi; wikiri wicam remo; wikiri wicam le m'odey; aka kure win kwoŋ kite ma kidakana. Wibino timo maber ka wikure kwoŋ gigipiny me. Kutho win.”

Tim pa Jomoor 17:11

Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri.

Joebulaniya 2:2

To k'inen mikwenda ma jomalaika cango jomiyo oter paka otire, aka ŋata k'otiyo gine i ndir no omiy gir'acula m'oripo gine,

Yakobo 2:8

Ka wimako maber cik ma Ker ma nwaŋere i ndiko ma waco ni, “Mari nyawotin paka iwon imarere.” Meno witimo gim'otire.

1 Petero 1:10

Both me ama jotuci wac ma joluwo kwoŋ nema pa Were ma d'omiyo win, jotemo rango tiende maber.

1 Yohana 5:10

Nyatoro je ma yeyo Wod Were meno ridho adieri no i cunye; to ŋata kiyey Were, meno oloko go jatwodo, rupiri go k'oyeyo gima Were owaco ma ridho adieri ma mako kwoŋ Wode.

3 Yohana 1:6

aka jotieko luwo ri kitipa pa jom'oyeyo kwoŋ mar perin. Mondo kony jo jowomedere gi woth pajo i royo ma bino kisangala Were.

Menyirok ri Yohana 2:28

Aka abino miyo go sulwe m'odikin.

Menyirok ri Yohana 22:16

“An, Yesu, aoro malaika paran rin gi mikwenda me ri kitipa pa jom'oyeyo. An anywola ma wok i ot pa Daudi, an a sulwe m'odikin maliel m'oasere.”