2 Kerin 4:1 - KITAWO MALEŊ Catholic

¹ Onyo citho ma kitipa pa jotuci wac Were okidho bongi Elisa to waco rigo ni, “Jadwoŋ, cworan otho! Paka iŋeyo, go oyido woro Were, t'onyo pama ŋat'oyido banja go pesa obino tero wotan paka cul ri banja pa cworan.”

KITAWO MALEŊ

¹ Onyo citho ma kitipa pa jotuci wac Were okidho bongi Elisa to waco rigo ni, “Jadwoŋ, cworan otho! Paka iŋeyo, go oyido woro Were, t'onyo pama ŋat'oyido banja go pesa obino tero wotan paka cul ri banja pa cworan.”

2 Kerin 4:1 ပူးပေါင်းရင်းမြစ်များ

Cakirok 22:12

Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

1 Kerin 18:3

Ameno Ahab olwoŋo Obadia m'oyido jatel ma cel pa kere. (Onyo Obadia oyido lworo Rwoth swa,

1 Kerin 20:35

Rwoth omiyo jatuci wac Were moro cik aka owaco ri jatuci wac Were man nike wogoyi go. To jatuci wac Were no okwero.

2 Kerin 2:15

Jotuci wac Were piero abic joneno go aka jowaco ni, “Meni pa Elia nitie kwoŋ Elisa!” Jokidho romo gi go, jokule piny ruwaŋ go,

2 Kerin 2:3

Kitipa pa jotuci wac Were jobino bongi Elisa aka jopenjo ni, “Iŋeyo paka konon me Rwoth kidho tero jadwoŋ perin woko?” Elisa odwoko ni, “Ey, aŋeyo, to weyi wakiri waluw kwoŋe.”

2 Kerin 2:5

Kitipa pa jotuci wac Were ma jobedo kenyo jopenjo Elisa ni, “Iŋeyo paka konon me Rwoth kidho tero woko jadwoŋ perin?” Elisa odwoko ni, “Ey, aŋeyo, to weyi wakiri waluw kwoŋe.”

2 Kerin 2:7

Jotuci wac Were piero abic joluwo jo to jocungo bor ye gi jo, aka Elia kodi Elisa jocungo i thengi Malawa Yordan.

2 Kerin 4:38

Elisa ogik Gilgal kendo munyo kec nitie i piny. Munyo go fonjo jotuci wac Were, owaco ri ŋeca pere nike wokethi dak i mac wotedi rijo kado moro.

2 Kerin 6:9

To Elisa odhiro wac ri kere ma Isiraili gwoko go wokiri wokidhi kanyago kwoŋbedo Josiria oyido jociko jo kenyo.

Nehemia 10:31

Ka jopath jokel riwan ŋano kosa giman je kitana riwan i ndelo ma Sabato kosa i ndelo man je maleŋ, wakilanyewo. Kisi oro mar'abirio wakilafuro i lowo mawan, aka walareyo woko banjin je.

Nehemia 7:2

Amiyo omin an Hanani gi Hanania jamituka ma tindi madwoŋ kuro Yerusalem. Hanania oyido obedo jacwo ma genere aka lworo Were loyo ji kweth.

Zabuli 103:11

Kole paka polo bor wok i piny, apaka mar pere dwoŋ ri jono ma joworo go.

Zabuli 103:17

To mar pa Rwoth makiwire bedo cil gi cil, kwoŋ jono ma jolworo go, aka bero pere bedo i luse je,

Zabuli 115:13

Go bino miyo silwany jono je ma jolworo Rwoth, mathindho gi madongo.

Zabuli 147:11

to Rwoth siemere i jono ma jolworo go, i jono ma jogeno i mar pere makiwire.

Agecin 22:7

Joŋaŋo jodhumo jocandi, aka jakikopa obedo ŋeca pa ŋat'okopa go.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Jafonji 8:12

Makada nende jareco otim reco dimiya acel to medo kwo. Kucel aŋeyo ni labedo maber gi jono ma jolworo Were, rupiri jocungo gi lworo ruwaŋ go,

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Yeremia 34:14

“Kisi oro mar'abirio wiripo gonyo Jaebulaniya moro je m'otana riwin kareno jotieko tic ma oro aucel. Wiripo ywomo jo tic.” To kwarere pajo jok'owinjo kosa jok'ociko ithi gin ran.

Jolevi 25:48

rumacen inyalo botho go, acel kwoŋ wutmin go nyalo botho go,

Malaki 3:16

Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Matayo 18:25

To paka ŋato oyido ongoye gi nger ma culo banja no, rwoth pere owodho or nike wotana go, kodi cege kodi nyithindho pere kodi lim pere je, woculi banja no.

Matayo 18:30

To go k'oyeyo; kucel omiyo obol ŋato i twec cuka woculi banja no.

Matayo 18:35

Yesu ocowo wac ni, “Meno apaka Baba man polo bino timo riwin ka wikicwaki omin win, gi cuny win je.”

Tim pa Jomoor 13:26

Wutmera, nyikway Abraham, kodi Jopath je manitie ka ma jolamo Were: Fonji ma mako kwoŋ both me otiek dhiro riwan!

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.

Menyirok ri Yohana 15:4

Rwoth, ŋata kilalworin, kosa kilamiyo nyingin dwoŋ? Kole in kendin am'ileŋ. Nonin je jolabino ruwaŋin to jolamin. Kole tim perin m'otire otieko nenere.”

Menyirok ri Yohana 19:5

Gikenyo dwondi nyatoro owok i kom ma dhum ma waco ni, “Paki win Were mawan, win jotic pere je, gi ji je, jomadongo gi mathindho ma jolworo go!”

Ruth 1:3

Munyo jonitie i piny no, Elimelek cwor Naume otho, to weyo cege kodi wote ario.

1 Samwiri 22:2

Aka ŋatimoro je m'oyido nitie i kidamba, kisi ŋati m'oyido nitie i teko, kisi ŋati m'oyido nitie gi banja, aka kisi ŋati m'oyido nitie gi gwayo i cunye je jocokere bongi go; aka go olokere jatel pajo.