1 Yohana 5:6 - KITAWO MALEŊ Catholic

⁶ Yesu Kristo a ŋat'obino gi pi ma batisimo kodi remo pere. Go k'obino gi pi kende, to gi pi kodi remo. Aka Cuny Maleŋ won ridho adieri me, rupiri Cuny Maleŋ obedo adieri.

KITAWO MALEŊ

⁶ Yesu Kristo a ŋat'obino gi pi ma batisimo kodi remo pere. Go k'obino gi pi kende, to gi pi kodi remo. Aka Cuny Maleŋ won ridho adieri me, rupiri Cuny Maleŋ obedo adieri.

1 Yohana 5:6 ပူးပေါင်းရင်းမြစ်များ

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Jolevi 17:11

Rupiri kwo ma del nitie i remo; aka atieko miyo go riwin ma timo cowirok ma cwako reco ri kwo mewin i wi migam; kole paka kwo, obedo remo ama timo cowirok ma cwako reco.

Zekaria 9:11

Paka ri in, ro remo ma cikirok perin, alagonyo jotwec perin wok i bur m'ongoy'iye pi.

Matayo 26:28

“Madhi win giman'iye, wijoje; rupiri vini me obedo remo paran ma ridho cikirok manyen ma Were otimo gi ji pere, m'ooy ri ji mathoth ma cwako reco.

Matayo 3:16

Tekin otiek kibatisa Yesu, owok i pi, gikenyo polo oyawere rigo aka oneno Cuny Maleŋ loro piny i cal p'akuru to pie kwoŋe.

Mariko 14:24

“Me remo paran ma cikirok manyen, m'ibino oyo ri ji mathoth.

Luka 22:20

I yo acel no bende, omiyo jo kikopo, munyo cemo m'othieno orumo, ka waco ni, “Kikopo me obedo cikirok manyen m'oridhi gi remo paran ma bino oy riwin.

Yohana 14:17

meno Cuny mar'adieri ma piny kinyal jolo, rupiri kinyal neno go kosa ŋeyo go. To wiŋeyo go, rupiri go nitie gi win aka bino bedo i win.”

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 15:26

“Ka Jamiy rieko, m'obedo Cuny mar'adieri m'anodhiri riwin, ma loro wok bongi Baba obin, go bino luwo kwoŋan.

Yohana 16:13

To ka Cuny mar'adieri obin, go bino nyutho win adieri je. Ato go kilaluwo gi i wiye won, to bino waco riwin gima go owinjo, odoko go bino nyutho win kwoŋ gima labino rumacen.

Yohana 3:5

Yesu odwoko ni, “Adieri awaco rin, ongoye ŋata nyalo donjo i Ker pa Were kwanyo woko ka olimo nywolirok ma pi kodi ma Cuny.

Yohana 4:10

Yesu odwoko ni, “Bedi iŋey mic pa Were kodi ŋata kwayin pi amadha, d'ikwayo go aka d'omiyin pi ma kwo.”

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 6:55

Kole delkwoŋan meno cemo adieri aka remo paran bende gir'amadha adieri.

Tim pa Jomoor 8:36

Munyo fodi jowotho i royo, jotundo kama dipi, to jasirikale waco ni, “Kole pi moro ee. Aŋo ma geŋan limo batisimo?”

Joroma 3:25

ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji;

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

Jokolosia 1:4

rupiri watieko winjo yeyo mewin i Kristo Yesu, kodi mar mewin ri ji pa Were je.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

Tito 3:5

go obotho wan; ki ro tic mabeyo moro m'onwaŋo wawegi watieko timo, to ro wor pere won. Go obotho wan gi lwoki ma Cuny Maleŋ omiyo wan gine nywolirok manyen kodi kwo manyen.

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

Joebulaniya 12:24

Wibino bongi Yesu, m'ocano cikirok manyen, kodi gi bongi remo ma nyutho wac maber loyo remo pa Abel.

Joebulaniya 13:20

Onyo weyi Were ma jasiem, m'ocerino Rwodhiwan Yesu kwoŋ jom'otho, Yesu m'obedo Jakwath rombo Madwoŋ ro remo pere ma ridho cikirok makirum,

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Joebulaniya 9:7

to jadwoŋ pa jocway ri Were i wi migam kende am'oyido donjo i kisika ma iye aka bin timo ameno dicel i oro acel. Go kidonji m'ongoye remo ma go kidho cwayo ri Were kwoŋ reco pere won kodi reco pa ji ma jotimo munyo jokuya nike oyido jotimo gimarac.

1 Petero 1:2

Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.

1 Petero 3:21

aka pi no obedo ranyuth ma cimo batisimo ma pama botho win, ki paka gima lwoko woko cilo ma del t'obedo cikirok m'itimo ri Were gi cuny maber. Gino bothin luwo kwoŋ cerino pa Kristo Yesu,

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.

Menyirok ri Yohana 7:14

Adwoko ni, “Jadwoŋ, iŋat'iŋeyo.” Go owaco ran ni, “Me a ji ma jowok i candirok madwoŋ. Jolwoko ruk pajo to joloko matar i remo pa Nyathi rombo.