1 Yohana 5:16 - KITAWO MALEŊ Catholic

¹⁶ Ka moro oneno omin timo gimarac ma kikel tho, go ripo kwayo, aka Were bino miyo ŋato kwo. Awaco ameno kwoŋ joreco pajo kikel tho. To nitie gimarac ma kelo tho, aka akiwaci ni wiripo kwayo Were kwoŋ meno mere.

KITAWO MALEŊ

¹⁶ Ka moro oneno omin timo gimarac ma kikel tho, go ripo kwayo, aka Were bino miyo ŋato kwo. Awaco ameno kwoŋ joreco pajo kikel tho. To nitie gimarac ma kelo tho, aka akiwaci ni wiripo kwayo Were kwoŋ meno mere.

1 Yohana 5:16 ပူးပေါင်းရင်းမြစ်များ

Cakirok 20:17

Kenyo Abraham okwayo Were, aka Were obotho Abimelek, cege, kodi ŋecin pere ma mon ŋey jowonywol nyithindho

Cakirok 20:7

Pama onyo, dwoki dhako no ri cwore, rupiri go obedo jatuci wac Were, aka bino kwayo rin, ŋey ikir'itho. To k'ikidwoko go, ŋey nike ibino tho gi kisi gimoro perin je.”

Zabuli 106:23

Riameno owaco ni lareyo ji pere, ma bedi Musa, ŋeca pere m'oyero k'ocungo i dier Were gi ji pere ma geŋo nge pa Were kwoŋ reyo jo.

Kitawo mar'ario mapa Musa m'ilwoŋo ni Wok 34:9

Musa owaco ni, “Rwoth, k'adieri iwinjo kodan maber, akwayin ikadhi gi wan. Ji me wiy gin tek, to cwaki raco gi reco mawan, aka iyey wan paka ji perin.”

Yeremia 11:14

Paka ri in Yeremia, ikir'ikway ri ji me, kosa ikir'iywakere ran rijo, rupiri ak'owinji ka jogoyo ran koko i hongo ma teko pajo.

Yeremia 14:11

Rwoth owaco ran ni: “Ikir'ikwayan ni akony ji me.

Yeremia 7:16

Rwoth owaco ama: Yeremia, ikir'ikway ri ji me, ikir'iywak kwoŋbedo jo, aka ikir'iywak ran, rupiri ak'owinjin.

Ezekiel 22:30

Arango i dier jo dhano manyalo geto kendo kor ot, ŋata nyalo cungo kama kor ot obar'iye to kwonga lowo ka nge paran cegin reyo woko, to akinyalo nwaŋo dhano.

Kwan 12:13

To Musa ywak ri Rwoth ni, “Awi Were bothi go.”

Kwan 15:30

To ka dhano otim gimikanyo, obedi Jaisiraili kosa japath, meno obwono Rwoth, ibino riemo go woko i dier ji.

Luka 12:10

Nyatoro je ma luwo gima k'otire kwoŋ Wod Dhano ibino cwako go; to ŋat'oluwi gima k'otire kwoŋ Cuny Maleŋ kilanwaŋo cwaki.”

Yohana 17:9

“Akwayo rijo. Akikway ri piny, to ri ji m'imiyan, rupiri jobedo aperin.

2 Timothe 4:14

Alekizanda jathieth otimo ran marac swa, Rwoth bino miyo go kemba ro gima go otimo.

1 Yohana 5:17

Tim je ma k'otire meno gimarac, to nitie reco megi ma kikel tho.

1 Samwiri 12:19

To Joisiraili jowaco ri Samwiri ni, “Kway riwan Rwoth Were perin, ŋey wakiri watho; rupiri wamedo i wi reco mawan raco me, munyo wakwayo kere.”

1 Samwiri 2:25

Ka nyatoro otimo reco ruwaŋ nyawote, Were nyalo theko go, to ka nyatoro otimo reco ruwaŋ Rwoth, ŋa m'othek go!” To jok'onyalo winjo bajo, kole Rwoth oyido otieko yiko neko jo.