1 Yohana 4:9 - KITAWO MALEŊ Catholic

⁹ Me apaka Were onyutho mar pere riwan: Go ooro Wode acel g'acel i piny ŋey walimi kwo luwo kwoŋe.

KITAWO MALEŊ

⁹ Me apaka Were onyutho mar pere riwan: Go ooro Wode acel g'acel i piny ŋey walimi kwo luwo kwoŋe.

1 Yohana 4:9 ပူးပေါင်းရင်းမြစ်များ

Cakirok 22:2

To Were waco rigo ni, “Kwany wodin, wodin acel g'acel Isaka m'imaro swa, aka ikadhi i piny Moria, t'imiyan go paka mic awaŋa wi got m'anowaci rin.”

Zabuli 2:7

Kere waco ni, abino tuco cik pa Rwoth. Rwoth owaco ran ni, “Ibedo wodan, konon me atieko bedo benin.

Mariko 12:6

Ŋat'onwaŋo odoŋ aora bongi jofur oyido obedo wode won ma migos. Am'omiyo rumacen ooro wode won gipi bongi jofur ka waco ni, ‘Adieri jobino woro wodan.’

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Yohana 10:10

Jakwo bino nyaka kwalo, neko kodi nyeko woko. An abino nike jowolimi kwo, aka kwo ma gibe.”

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Yohana 3:18

Ongoye moro je ma yeyo Wod Were m'ibino thumo rigo banja, to moro je ma kiyey ama otiek thumo rigo banja ni oloyo go con kwoŋbedo k'oketho yeyo i nyingi Wod Were acel kende.

Yohana 5:23

aka ŋey dhano je wowori Wod Were paka joworo Bamere. Ŋata kiwor Wod Were meno bende kiwor Bamere m'ooro go.”

Yohana 6:29

Yesu odwoko ni, “Me a tic ma Were mito ni witim: Yey win ŋata go ooro.”

Yohana 6:51

Abedo mugat ma kelo kwo m'obino i piny wok i polo. Ŋat'ocam mugat me bino kwo cil gi cil. Aka mugat m'abino miyo win meno a delkwoŋan, m'abino miyo aka nyaka piny wolimi kwo.”

Yohana 6:57

Baba makwo ooran, aka akwo kwoŋbedo go. Meno bende apaka ŋata caman bino limo kwo wok kwoŋan.

Yohana 8:29

Aka ŋat'ooran nikodan, k'oweyan kendan, rupiri ndir je atimo gima sangala go.”

Yohana 8:42

Yesu owaco rijo ni, “Bedi Were a Bawin adieri, di wimaran, rupiri awok bongi Were aka onyo an ka. Akibino gi wi tungan, to go ama ooran.

Yohana 9:3

Yesu odwoko ni, “Thowaŋ pere kimaki kwoŋ gimarac pere kosa apa jonywol pere. Go waŋ'otho nike nyaka tic pa Were wonenere ka tiyo i go.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Joebulaniya 1:5

Were otieko ye waco ri malaika mene ni, “In Wodan: Konon alokere Benin?” Kosa ri mene ni, “Abino bedo Bamere, aka go bino bedo Wodan?”

1 Yohana 3:16

Me apaka waŋeyo gim'obedo mar: Kristo omiyo kwo pere riwan; aka wabende waripo miyo kwo mawan ri wutmin wan.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

1 Yohana 4:16

Am'omiyo wawegi waŋeyo aka wayeyo mar ma Were nitie gine riwan. Were obedo mar, aka ŋata bedo i mar meno bedo i Were aka Were bende bedo i go.

1 Yohana 5:11

Aka me a wac ma ridho adieri ni Were otieko miyo wan kwo makirum, aka kwo me nwaŋere i Wode.

1 Yohana 5:13

Andiko riwin gime, win ma wiyeyo i nyingi Wod Were, winyal ŋeyo nike winitie gi kwo makirum.