1 Yohana 3:3 - KITAWO MALEŊ Catholic

³ Nyatoro je manitie gi geno me i Kristo ripo lonyo kwo pere paka Kristo olony.

KITAWO MALEŊ

³ Nyatoro je manitie gi geno me i Kristo ripo lonyo kwo pere paka Kristo olony.

1 Yohana 3:3 ပူးပေါင်းရင်းမြစ်များ

2 Samwiri 22:27

Inyutho cilo ri ji ma cuny gin cil, t'igeri ri jokidakana.

Matayo 5:48

Bedi win maleŋ paka Bawin manitie i polo leŋ.

Luka 6:36

Bedi win gi wor paka Bawin jawor.

Yohana 17:19

Aka ri bero pajo onyo amiyere rin ŋey jo bende jowonyal miyirok iy'adieri.”

Tim pa Jomoor 15:9

Go k'opoko wan gi jo; aka ocwako reco pajo cungo kwoŋ yeyo pajo.

Joroma 15:12

Odoko Isaya waco ni, “Nyakwar Yese labino; Ibino tiŋo go malo wodhum Jopath, Aka Jopath jobino ketho geno pajo i go.”

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Jokolosia 1:5

Yeyo kodi mar no owok i geno gim'okan riwin i polo ma witieko winjo kwoŋe i wac mar'adieri, aka Wac Manyen Maber.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Tito 3:7

nike paka otieko ketho wan i tiro gi nema pere, wanyal bedo nyithindho pere makayo kareno wageno lunjo kwo makirum.

Joebulaniya 12:14

Tem win paka winyalo bedo i siem gi ji je, gi woth i kwo ma leŋo, rupiri ongoye ŋata bino neno Rwoth ma bu leŋo.

Joebulaniya 6:18

Were ooro gigipiny ario me (cikirok kodi kwoŋirok) ma kinyal wire, odoko ma go kinyal twodo kwoŋe, ma nyutho gino. Am'omiyo wan ma watieko limo kagoŋirok bonge wanyalo nwaŋo miseni madwoŋ ma cwirok matek kwoŋ geno m'oketh ruwaŋ wan.

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

Yakobo 4:8

Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!

1 Petero 1:15

Kucel, bedi win maleŋ i gimoro je ma witimo, paka Were m'olwoŋo win leŋ;

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

2 Petero 1:4

Ameno go omiyo wan, mic m'ociko madwoŋ swa kendo ma diwelo, ŋey ka walimo mic me wabino both kwoŋ reco manitie i piny ka ro awanya, to wadonjo i kula ma nyawerewere.

2 Petero 3:14

Am'omiyo, jowotan, k'onyo wikuro Ndelo no, tem win paka winyalo bedo ma wilony kendo ma bu raco ruwaŋ Were to wibedo i siem gine.

1 Yohana 2:6

Ŋata waco ni go kwo i Were ripo bedo gi tim paka cango apa Yesu Kristo.

1 Yohana 4:17

Ameno, mar bedo m'otire i dier wan, aka ŋey bedi gi miseni madwoŋ i ndelo ma thumo banja, rupiri kwo mawan i piny ka cale kodi apa Kristo.