1 Yohana 3:10 - KITAWO MALEŊ Catholic

¹⁰ Me apaka wanyalo poko maber i dier nyithindho pa Were kodi apa jwogi: Nyatoro je ma kitim gim'otire kosa ma k'omaro omin go, meno k'obedo nyathi pa Were.

KITAWO MALEŊ

¹⁰ Me apaka wanyalo poko maber i dier nyithindho pa Were kodi apa jwogi: Nyatoro je ma kitim gim'otire kosa ma k'omaro omin go, meno k'obedo nyathi pa Were.

1 Yohana 3:10 ပူးပေါင်းရင်းမြစ်များ

2 Samwiri 13:22

To Absalom dak Amnon swa, m'oyido kiluw kiri gine rupiri omako nyamin go Tamar gi mbaka to nindo gine.

Matayo 13:38

ndelo, meno piny me; kodhi maber meno nyithindho ma Ker pa Were; weeyo meno nyithindho pa jwogi;

Luka 6:35

Kucel, mari win jokwor mewin, aka witim rijo maber. Odoko miy win ji gigipiny, ma wikigeno ni jobino culo win. Wibino limo kemba madwoŋ, aka wibino bedo nyithindho pa Ŋatadwoŋ Maloyo; kole go won cunye ber gi joma jokifoy go kodi joreco.

Yohana 1:12

To jono je ma jojolo go ma joyeyo i nyinge, omiyo jo meni ma lokirok nyithindho pa Were.

Yohana 11:52

Aka ki ri Joyuda kende, to ma coko kanyacel nyithindho pa Were ma jokele iye je.

Yohana 8:44

Wibedo nyithindho pa bawin, jwogi, aka wimito timo gima bawin no yenyo. Wok con go oyido janek, fodi go k'obedo yuthenge mar'adieri, rupiri adieri ongoye i go. Ka go twodo meno go timo gikula pere won, rupiri go jatwodo aka go a ba jotwodo je.

Yohana 8:47

Ŋata wok bongi Were winjo wac pa Were. Gim'omiyo wikiyey winjo wac paran, obedo rupiri wikibedo apa Were.”

Tim pa Jomoor 13:10

to waco ni, “In wod pa jwogi, m'ibedo jakwor gi gimoro je m'otire, aka imore kodi thenethene mareco ma twodo, kere ikilaweyo wiro adieri pa Rwoth i twodo?

Joroma 13:8

Wikiri wibedi gi banja pa dhano moro je. Nyaka banja ma wiripo bedo gine meno a marok i dier win. Nyatoro je m'omaro nyawote meno otieko winjo Cik.

Joefeso 5:1

Paka wibedo nyithindho pa Were ma kacunye, wiripo temo cale go.

Jokolosia 3:14

[Aka maloyo meno je, kethi win mar, ma riwo gigipiny je kanyacel i riwirok m'ocowere.

1 Timothe 1:5

Atoŋa ma or me obedo mar, aka wok i cuny m'olony, kodi i paro m'otire, kodi i yeyo mar'adieri.

1 Yohana 2:29

Wiŋeyo ni Kristo obedo tiro; riameno wiŋeyo ni moro je ma timo gim'otire meno go nyathi pa Were.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.

1 Yohana 3:2

Jowotan, pama onyo wabedo nyithindho pa Were, aka fodi kiŋeyere gima wabino bedo. To waŋeyo ni ka Kristo onenere wabino bedo paka go, rupiri wabino neno go paka go nitie won.

1 Yohana 4:21

Am'omiyo, me a or ma Kristo omiyo wan: Ni ŋat'omaro Were ripo maro omin bende.

1 Yohana 4:6

To wan wabedo apa Were, aka moro je m'oŋeyo Were ciko ithe riwan. To moro je ma k'obedo apa Were kiwinji wan. Me a royo ma wanyalo poko gine Cuny mar'adieri kodi cuny ma twodo.

1 Yohana 4:8

Ŋat'ongoye gi mar meno kuya Were, rupiri Were obedo mar.

1 Yohana 5:19

Waŋeyo nike wabedo apa Were aka piny gipi nitie i dhum pa Jaraco.

1 Yohana 5:2

Me apaka waŋeyo nike wamaro nyithindho pa were: Ka wamaro Were gi winjo or pere.

3 Yohana 1:11

Mere paran, ikir'iluw ranen marac no, to luw gimaber mere ayino. Nyatoro je ma timo gimaber bedo apa Were. Aka ŋata timo gimarac meno fodi k'oŋeyo Were.