1 Yohana 2:18 - KITAWO MALEŊ Catholic

¹⁸ Nyithindho paran, kole me ndir ma gike; ato witieko winjo paka Jakwor pa Kristo bino; gunyo ni jokwor pa Kristo kweth jotieko nenere, aka meno apaka waŋeyo ni gike nicegin.

KITAWO MALEŊ

¹⁸ Nyithindho paran, kole me ndir ma gike; ato witieko winjo paka Jakwor pa Kristo bino; gunyo ni jokwor pa Kristo kweth jotieko nenere, aka meno apaka waŋeyo ni gike nicegin.

1 Yohana 2:18 ပူးပေါင်းရင်းမြစ်များ

Matayo 24:11

Aka jotuci wac Were ma twodo mathoth jobino tundo to jowondo ji mathoth.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 24:5

rupiri ji kweth jolabino gi nyingan, munyo jowaco ni, ‘An a Kristo.’ Jobino wondo ji mathoth.

Mariko 13:6

Ji mathoth jolabino i nyingan ka jowaco ni, ‘An ago.’ To jowondo ji mathoth.

Yohana 21:5

Gikenyo go owaco rijo ni, “Yac me, witieko mako ye gimoro?” Jodwoko ni, “Ongoye gimoro.”

Joroma 13:11

Medo kwoŋ meno, wiŋeyo ndir ma pama ni ndir otundo riwin ma cew. Kole ndir ma both mawan onyo ocore cegin loyo munyo nyaka wacako yeyo.

Joroma 13:12

Wor cegin rumo, aka piny cegin yawirok. Riameno wawey win timo gigipiny ma mudho to wakwanyo win gilweny ma lero.

Joebulaniya 1:2

to i ndir macowe me, go oluwo gi wan gi i dhok Wode m'oyero paka okayo ma lalunjo gigipiny pere je, aka ocweyo polo gi piny luwo kwoŋ Wode no.

1 Petero 1:20

Were oyero go mafodi k'ocwey piny, aka onyuthere i ndelo macowe me ma bero mewin.

1 Petero 1:5

Ato ro yeyo mewin am'omiyo meni pa Were kuro win cuka tundo ndelo ma both m'oyik nyutho ka ndir otundo.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

1 Yohana 2:22

Onyo, ŋa ma jatwodo? Jatwodo meno ŋata waco ni Yesu k'obedo Kristo. Aka ŋato jakwor pa Kristo, rupiri go kwero Were Bawan gi Wode.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

1 Yohana 4:3

To moro je ma kwero gima kwoŋ Yesu meno cuny ma kiwoki bongi Were. Meno obedo cuny pa jakwor pa Kristo ma wiwinjo nike labino, aka pama otieko kiri tundo i piny.

2 Yohana 1:7

Jotwodo megi jotieko ywoyirok i piny gipi; ji ma jokiyey ni Yesu Kristo obino i del paka dhano. Ŋata pameno jatwodo, kendo a jakwor pa Kristo.

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”