1 Yohana 2:16 - KITAWO MALEŊ Catholic

¹⁶ Ato gimoro je ma piny paka awanya marac ma del, kodi awanya ma waŋ jo, kodi pakirok kwoŋbedo gima dhano nitie gine kosa m'otimo, k'obedo apa Bawan, t'obedo apa piny ayino.

KITAWO MALEŊ

¹⁶ Ato gimoro je ma piny paka awanya marac ma del, kodi awanya ma waŋ jo, kodi pakirok kwoŋbedo gima dhano nitie gine kosa m'otimo, k'obedo apa Bawan, t'obedo apa piny ayino.

1 Yohana 2:16 ပူးပေါင်းရင်းမြစ်များ

Cakirok 3:6

Ameno dhako oneno nger ma yath no oyido ber'iye, kodi nger mar'olemo mere oyido ber acama; aka oparo nger ma ber'iye lokirok mariek. Kenyo go okwanyo olemo to camo, aka omiyo cwore bende ni wocam.

Cakirok 6:2

aka cwec moro ma polo joneno ni nyir pa ji oyido joŋon, ameno jonywomo paka joyero.

Yobu 31:1

Atieko timo cikirok gi waŋan, onyo anowanya dhako nedi?

Zabuli 73:6

Riameno delok obedo thiwino pajo; akaka umo jo paka ruk.

Zabuli 78:18

Jotemo Were iy'adundo pajo ka jopenjo cemo ma jomito.

Zabuli 78:30

To mafodi jok'oyeŋ gi gima jomito, mafodi cemo oyido nitie i dhok jo,

Agecin 27:20

Paka piny pa jom'otho kiyeŋ, apaka bende waŋ jo kiyeŋ.

Agecin 6:25

Ikir'igomba ŋono pere i cunyin, aka ikir'iwey go wodwoŋin gi biendi waŋe.

Kwan 11:34

Ameno t'ilwoŋo kenyo ni Kibroth Hatava rupiri kenyo joyik'iye joma wany.

Kwan 11:4

Jopath ma jonitie i dier jo oyido jonitie g'awanya; Joisiraili jogik to joywak kendo, to jowaco ni, “Ŋa m'omiy wan riŋo acama?

Matayo 4:8

Gikenyo jwogi otero Yesu wi got mabor swa, to nyutho go ker ma piny je, gi dwoŋ manitie i iye je.

Matayo 5:28

To pama awaco riwin ama: Ŋata ŋiyo dhako moro aka cunye wanya go, meno otieko timo gine cot gi i cunye.

Luka 4:5

Gikenyo jwogi otero go wi got mabor to nyutho go ker je ma piny i hongo macek; owaco ri Yesu ni,

Joroma 13:14

Kucel ruki win Rwoth Yesu Kristo, aka wikiri wiwey hola ri del, ma timo awanya mere.

1 Jokorintho 10:6

Onyo gigipiny me je obedo gir'anena riwan, ma fonjo wan nike wakiri wawanya gigipiny mareco paka jotimo.

Jogalasia 5:17

Kole awanya pa del lwenyo gi Cuny aka Cuny bende lwenyo kodi awanya pa del; jario me jobedo jokwor, aka gino miyo ikinyal timo gim'iyenyo ni itimi.

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Joefeso 2:3

Aka wajoje oyido wacale jo, munyo watimo gima cuny wan mareco oyido tero wan'iye, aka watimo gima delkwoŋ wan gi paro mawan oyenyo. Paka joman je, di wabende walimo gir'acula pa Were.

Tito 2:12

Ŋono no fonjo wan weyo kwo ma kilwor Were kodi awanya ma piny, bedo gi dhumirok i kwo, bedo gi tiro, gi kwo m'olworo Were i piny ka,

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

Yakobo 3:15

Rieko ma cal ameno kiwoki i polo; t'obedo ma piny ka, ki ma cuny, to apa jwogi ayino.

Yakobo 4:16

To odoko wiyumere aka wipakere ayin; kole kiti yumirok no rac.

Yosuwa 7:21

Munyo aneno i dier gim'onyaga law maŋon mapa Jobabilon, kodi feza ma romo cegin kilo ario; kodi nyweny ma zahabu m'oyido romo adec kilo, kenyo t'agomba jo; t'akwanyo jo. Pama onyo jopanere i lowo i wema paran, gi feza i pende.”

1 Petero 1:14

Paka nyithindho ma winjo Were, wikiri wiyeyi awanya macon m'onwaŋo winigine munyo fodi wikuya Were wodhum kwo mewin.

1 Petero 2:11

Agoyo koko riwin jowotan, paka jowiloka i piny me, ni ŋuti win kwoŋ awanya mareco, ma ndir je lwenyo gi cuny win.

2 Petero 2:10

kodhi joma cwire i kiti jo m'otop ma kidakana aka jocayo meni pa Were. Jofonji ma twodo me jonitie gi miseni kodi mikanyo, aka joluwere kicar kwoŋ cwec manitie i hongo malo;

2 Petero 2:18

Joluwo wac ma miŋo gi pakirok, aka jooro awanya ma delkwoŋ gin ma ciko joma nyaka joeye kwoŋ joma nitie i royo ma kelo rwenyo.