1 Yohana 2:11 - KITAWO MALEŊ Catholic

¹¹ To ŋat'odak nyawote meno nitie i mudho aka woth'iye, aka kuya kama go com'iye, rupiri mudho otieko kelo rigo thowaŋ.

KITAWO MALEŊ

¹¹ To ŋat'odak nyawote meno nitie i mudho aka woth'iye, aka kuya kama go com'iye, rupiri mudho otieko kelo rigo thowaŋ.

1 Yohana 2:11 ပူးပေါင်းရင်းမြစ်များ

2 Samwiri 13:22

To Absalom dak Amnon swa, m'oyido kiluw kiri gine rupiri omako nyamin go Tamar gi mbaka to nindo gine.

Agecin 4:19

Royo pa jokidakana cal gi mudho madwoŋ; jokiŋey gima jocer i wiye.

Jafonji 2:14

Jomariek joneno bor, jomamiŋ jowotho i mudho. Kucel aŋeyo bende ni teko acel podho kwoŋ joje.

Jolevi 19:17

Ikir'idaki dhano moro je i cunyin; pusa go adieri, ŋey Ikir'itim reco kwoŋ go.

Yohana 12:35

Yesu odwoko ni, “Lero no fodi nitie gi win hongo moro ye. Woth win kafodi lero no nitie gi win, ka mudho fodi k'oumo win; kole ŋata wotho i mudho kiŋey kama go com'iye.

Yohana 12:40

“Were oculo waŋ jo to umo paro pajo, nike waŋ jo wokiri wonen, paro pajo wokiri woniaŋi gimoro, ŋey jokiri jowonyal gik bongan, ni aboth jo.”

2 Jokorintho 3:14

Paro pajo adieri oyido othore, rupiri kiri konon ka josoma cikirok macon, nanga ma umo waŋ jo no fodi doŋadoŋa. Nanga no ware woko denge ka dhano ojolo Kristo.

2 Jokorintho 4:4

Were ma piny me oumo paro pa joma k'oyeyo gi mudho, ŋey womoni jo neno lero ma Wac Manyen Maber ma nyutho dwoŋ pa Kristo m'obedo cal pa Were.

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

2 Petero 1:9

To ka nyatoro ongoye gi gima beyo me, meno kere go waŋe neno ma riprip aka wiye owil ni otiek lonyo go kwoŋ reco pere.

1 Yohana 1:6

Am'omiyo ka wawaco ni wanitie i riwirok gine, ma to kwo mawan nitie i mudho, meno kareno watwodo aka tim mawan ongoy'iye adieri.

1 Yohana 2:10

Ŋat'omaro nyawote ama nitie i lero, aka ongoye gi gimoro ma miyo go timo gimarac.

1 Yohana 2:9

Ŋata ŋoyo ni go nitie i lero, ma to go odak omin, meno fodi nitie i mudho ayino.

1 Yohana 3:15

Ŋat'odak omin meno janek; aka wiŋeyo ni janek ongoye gi kwo makirum i go.

1 Yohana 4:20

Ka nyatoro waco ni, omaro Were ma to go fodi odak omin, meno go jatwodo, kwoŋbedo go kinyal maro Were mafodi go k'oneno, to kwero maro omin ma go otieko neno.

Menyirok ri Yohana 3:17

Ato iwaco ni, “Aŋaŋ kendo anitie maber.” Iwaco kendo ni, “Anitie gi gimoro je m'ayenyo.” T'ikuya paka icandere. Kole yenyere womaki kodin wor ayino, ijacandi, initie kinyoro, aka waŋin je otho.