1 Timothe 5:8 - KITAWO MALEŊ Catholic

⁸ To ka nyatoro kipar kwoŋ wade pere, tektek mere joot pere won, meno otieko kwedere kwoŋ yeyo aka rac loyo ŋata fodi k'oyeyo.

KITAWO MALEŊ

⁸ To ka nyatoro kipar kwoŋ wade pere, tektek mere joot pere won, meno otieko kwedere kwoŋ yeyo aka rac loyo ŋata fodi k'oyeyo.

1 Timothe 5:8 ပူးပေါင်းရင်းမြစ်များ

Cakirok 30:30

Ma nok m'oyido initie gine munyo fodi akibino onyo pama jomedere gibe; aka Rwoth otieko miyin silwany i kamoro je m'atund'iye. To onyo pama hongo otundo ma bende aripo thielo ot paran.”

Isaya 58:7

K'obedo camo cemo mewin kanyacel gi joma kec neko, gi rwako jacandi ma bu peco i ot mewin; ka wineno jokinyoro, wiruk jo, aka wikiri wikwer konyo wade mewin won?

Matayo 18:17

To ka k'owinjo jo bende, ere tuci gimoro je ri kitipa pa jom'oyeyo. Aka ka go okwer winjo kiri kitipa pa jom'oyeyo bende, onyo ter go paka jakicar kosa jacoki misolo.”

Matayo 7:11

Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Yohana 15:22

Bedi akibino t'aluwo gi jo di jongoye gi raco; to pama onyo jongoye gi kagoŋirok kwoŋ reco pajo.

1 Jokorintho 6:6

Kucel dhano kidho i kapido g'omin to miyo joma bu Were ama jothumo banja rijo.

2 Jokorintho 12:14

Me onyo mar'adek m'ayikere bino liewo win, aka akibino mito gimoro kwoŋ win. Ayenyo win ayino, to ki gigipiny mewin. Kucel nyithindho mathindho k'ama jolimo gigipiny ri jonywol, to jonywol ama jolimo gigipiny ri nyithindho pajo mathindho.

2 Jokorintho 6:15

Nyalere nedi Kristo kodi Jwogi tiyirok? Aŋo ma ŋat'oyeyo Kristo riwo kodi ŋata k'oyeyo?

Jogalasia 6:10

Am'omiyo, hongo je ma wanitie gi thwolo waripo timo bero ri dhano je, to tektek ri joma jobedo jowoti wan i yeyo.

2 Timothe 2:12

Ka waciro candirok, wabende wabino dhumo gine; Aka ka wakwedere kwoŋe, go bende bino kwedere kwoŋ wan;

2 Timothe 3:5

Jobino moko kwoŋ gima wiyewiye i yeyo Were, to jokwero meni mere. Gwokere kwoŋ joma pameno.

Tito 1:16

Joŋoyo ni joŋeyo Were, to tim pajo nyutho ni jodak go. Jobedo jodakirok kendo joma kiwinji or, ma jokinyal timo gimaber.

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.

Menyirok ri Yohana 3:8

Aŋeyo tim perin. Kole atieko yawo rin dhiot ma nyatoro kinyal cego; aŋeyo nike initie gi meni manok; to itieko luwo fonji paran aka ikikwedere kwoŋ nyingan. Atieko yawo rin thigo ma moro kinyal cego.