1 Timothe 4:6 - KITAWO MALEŊ Catholic

⁶ K'ifonjo jom'oyeyo wac me, ibino bedo jatic maber mapa Kristo Yesu, m'odongo gi wac ma yeyo kodi fonji ma go otieko mako.

KITAWO MALEŊ

⁶ K'ifonjo jom'oyeyo wac me, ibino bedo jatic maber mapa Kristo Yesu, m'odongo gi wac ma yeyo kodi fonji ma go otieko mako.

1 Timothe 4:6 ပူးပေါင်းရင်းမြစ်များ

Zabuli 19:7

Cik pa Rwoth ongoy'iye komo, miyo meni manyen. Gima Rwoth waco genere, miyo rieko ri ji ma jongoye gine.

Agecin 4:2

Kole amiyo win fonji maber, wikiri wijwangi fonji paran.

Yeremia 15:16

Anwaŋo wac perin, t'acamo jo, aka wac perin olokere ran kisangala kodi noro ma cunyan. Kole alwoŋere gi nyingin, awi Rwoth, Were pa lwak jolweny.

Matayo 13:52

Gikenyo go odwoko ni, “Am'omiyo, kisi jandiko ma Cik m'otiek fonjo ri Ker ma polo, cale gi won peco ma wodho gigipiny macon kodi manyen je wok i dero pere.”

Luka 1:3

Onyo an bende paka atieko kikaŋasa wac me maber wok i cakirok mere, aparo ni ber andiki rin gime m'acano maber.

Tim pa Jomoor 1:15

Munyo ndelo okadho manok, romo pa jom'oyeyo obedo (ma romo ji cegin miya acel), to Petero cungo to luwo.

Tim pa Jomoor 20:31

Am'omiyo kure win, aka poyi win ni, odieceŋ gi wor akikeŋ fonjo dhano je kwoŋ win gi geregere cowo hongo ma romo oro adek.”

Tim pa Jomoor 20:35

Atieko nyutho win i gigipiny je nike timo tic gi meni miyo wanyalo konyo joma nyap munyo wapoyo wac pa Rwoth Yesu m'owaco ni, ‘Silwany nitie madwoŋ ri ŋata poko gimoro loyo ŋata limo.’ ”

Joroma 15:15

To kad'ameno, i balwa m'atieko ndiko riwin, abedo gi miseni kwoŋ gigipiny moro ma apoyo win, ro nema ma Were opokan

1 Jokorintho 4:17

Atoŋa me am'omiyo adhiro riwin Timothe wodan m'amaro kendo m'ogenere i Rwoth. Go bino poyo win royo m'aluwo i Kristo Yesu, odoko m'afonjo i kweth pa jokristo iye je.

2 Jokorintho 11:23

Jobedo jotic pa Kristo? K'aluwo pa janeko, abedo jatic maber loyo jo! Atieko tiyo matek loyo jo, atieko bedo i twec ndir mathoth loyo jo, otiek cwadan ndir madit loyo jo, aka atieko bedo cegin gi tho ndir mathoth loyo.

2 Jokorintho 3:6

Go omiyo wanyalo tiyo ri cikirok manyen, ma k'obedo apa Cik m'ondiki, to apa Cuny Maleŋ, rupiri Cik m'ondiki kelo tho, to Cuny miyo kwo.

2 Jokorintho 6:4

Kucel, i gimoro je wanyutho ni wabedo jotic pa Were, munyo waciro aŋedha cuny, teko, kodi peko gi diyo cuny madwoŋ.

Joefeso 6:21

Tikiko, omin wan ma jatic ma genere i tic pa Rwoth, bino kiliesa riwin kisi gimoro, to wiŋeyo paka anitie, kodi gim'atimo.

Jofilipi 2:20

Angoye gi ŋatiman kwanyo woko go, ma bende iy'adieri dewo kwoŋ win.

Jofilipi 2:22

Aka wiwegi wiŋeyo paka Timothe otieko nyutho nyalo pere, rupiri paka nyathi gi bamere, go otieko tic kodan kanyacel i fonjo Wac Manyen Maber.

Jofilipi 3:16

To kad'ameno, weyi wakidhi yumalo gi kite ma watieko luwo kiri konon.

Jokolosia 2:19

Go otieko weyo cwirok kwoŋ Kristo, m'obedo jatel mawan, ma kwoŋ go ama del pere gipi, ma fuce oriwo kanyacel to makere, nwaŋ'iye meni madongo paka Were mito ni wodongi.

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

Jokolosia 4:7

Omin wan Tikiko ma wamaro m'obedo jatic ma genere, aka jatic nyawotan i tic pa Rwoth, bino miyo win wac je ma mako kwoŋan.

1 Jothesalonika 3:2

kareno waoro Timothe, omin wan ma tiyo kodi wan ri Were i fonjo Wac Manyen Maber kwoŋ Kristo. Waoro go bongi win womiy win miseni gi konyo yeyo mewin,

1 Timothe 1:10

Ri jokidakana, ri jom'okom i timo giwickwot, ri joma tana ji, kodi jotwodo, gi joma wodho kony ma twodo, kosa joma timo gimoro je m'opokere kodi fonji m'otire

1 Timothe 4:16

In won kaŋasa kwo perin, aka kaŋasa fonji perin bende. Medere gi timo tic no, rupiri k'itimo ameno ibino bothere kiri gi joma jowinjin bende.

1 Timothe 6:3

Ŋata fonjo fonji m'opokere aka kiyere gi wac m'otire mapa Rwodhiwan Yesu Kristo kodi fonji kwoŋ lworo Were,

2 Timothe 1:6

Ro wac no, apoyin inyal ketho i tim mic ma Were omiyin munyo aketho cingan kwoŋin.

2 Timothe 3:10

T'itieko kikaŋasa fonji paran, kula paran, kodi atoŋa paran ma kwo. Itieko kikaŋasa yeyo paran, diyo cuny paran, mar paran, ciro paran,

2 Timothe 4:3

Kole ndir bino tundo ma ji jok'owinj'iye fonji mar'adieri, to jobino tiyo g'awanya pajo wegi, odoko jobino coko jofonji ma wegi joyenyo, jowofonji jo gima ithi jo yilo jo winjo.

Tito 2:1

To iripo fonjo gima yere paka fonji m'otire.

1 Petero 2:2

Bedi win paka nyithindho maŋic ma nyaka onywol jo, ma wiwinjo riyo ma cak m'olony ma cuny, aka ka wimadho wibino dongo i both mewin.

2 Yohana 1:9

Ŋata kibedi i fonji pa Kristo, to medere i giman ayino, meno ongoye gi Were. Ŋata doŋ i fonji, meno nitie gi Bawan kodi Wode.

Yuda 1:5

Kada witieko ŋeyo gime, je fodi amito poyo win paka Rwoth obotho Joisiraili i piny Misir, to rumacen reyo woko ji ma jokwero yeyo.