1 Timothe 4:1 - KITAWO MALEŊ Catholic

¹ Cuny waco kamaler ni ji megi jobino weyo yeyo i ndir ma bino, jobino winjo cuny ma jotwodo to joluwo fonji pa jwogi.

KITAWO MALEŊ

¹ Cuny waco kamaler ni ji megi jobino weyo yeyo i ndir ma bino, jobino winjo cuny ma jotwodo to joluwo fonji pa jwogi.

1 Timothe 4:1 ပူးပေါင်းရင်းမြစ်များ

Cakirok 3:13

Kenyo Rwoth Were openjo dhako ni, “Me aŋo m'itimo?” Dhako odwoko ni, “Thwol am'owondan t'acamo.”

1 Kerin 13:18

Kenyo jatuci wac Were m'oti ma wok i Bethel owaco rigo ni, “An bende, abedo jatuci wac Were paka in, aka luwo i cik pa Rwoth malaika owaco ran nike aterin peco kodan aka ajolin.” To jatuci wac Were m'oti oyido twodo.

Isaya 2:2

Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

Yeremia 23:26

Kiri keraŋo ma jotuci wac Were no jomien ji paran gi luwo twodo, gi joma joluwo twodo mar'adundin pajo wegi?

Yeremia 48:47

Kucel aladwoko lim ma Mowab, i ndelo ma bino, Rwoth waco. Me apaka athumo ri Mowab banja.

Yeremia 49:39

To i ndelo ma rumacen, aladwoko lim pa Elam kendo, Rwoth waco.

Ezekiel 1:3

Wac pa Rwoth obino ri jacway ri Were i wi migam, Ezekiel wod pa Buzi, i lowo pa Jobabilon i thengi malawa Kebar; aka cingi Rwoth oyido nitie kwoŋ go.

Ezekiel 38:16

Ilabino lweny gi ji paran Isiraili, paka pondeponde ma umo piny. I hongo ma yuwaŋe, alakelin i cingan ŋey nonin jonyal ŋeyan, kareno joluwo kwoŋin, awi Gog, alanyutho leŋo ruwaŋ jo.

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Mika 4:1

Ndelo ma rumacen bino, ma got ma Ot pa Rwoth, bino bedo got mabor loyo, aka ibino tiŋo malo kalo tendere je, aka ji jobino mol i iye.

Kwan 24:14

Onyo pama an adoki bongi ji paran. To weyi kutho amiyin rieko gima ji me jolatimo ri ji perin i hongo ma bino.’ ”

Matayo 18:7

Rac adieri ri piny nike nitie gigipiny ma miyo ji timo reco! Gigipiny ma cale ameno bino timere ndir je, to bino raco loyo ri ŋata miyo kiti gigipiny no timirok!”

Luka 17:1

Yesu owaco ri jofonjirok pere ni, “Gigipiny ma miyo ji podho i gimarac ripo bino; to kidamba bino bedo ri ŋat'omiy gigipiny no timirok!

Yohana 16:13

To ka Cuny mar'adieri obin, go bino nyutho win adieri je. Ato go kilaluwo gi i wiye won, to bino waco riwin gima go owinjo, odoko go bino nyutho win kwoŋ gima labino rumacen.

Tim pa Jomoor 13:2

Ndelo moro munyo jolamo Rwoth aka joriyo kec, Cuny Maleŋ owaco rijo ni, “Kethi ran win gicen Barinaba kodi Saulo, jowotimi tic ma alwoŋ'iye jo.”

Tim pa Jomoor 17:18

Joepicura kodi Jostoik moro ma jopiem i wac bende jopiemo gine. Megi jowaco ni, “Jal mamiŋ me onyo bende kwot ni waco aŋo?” Joman jowaco ni, “cale pa go luwo kwoŋ werin moro ma wok loka man.” Jowaco ama rupiri Paulo onwaŋo luwo kwoŋ Yesu kodi cerino pere.

Tim pa Jomoor 20:23

Kwanyo woko gim'aŋeyo a me: I tindi je Cuny Maleŋ otieko nyuthan kicutho nike twec kodi teko ama kuran.

Tim pa Jomoor 21:11

Go obino bongi wan to kwanyo del pa Paulo to won tweyo gine tiende gi cinge, to waco ni, “Me a gima Cuny Maleŋ waco, ‘Joyuda jobino tweyo won del me ama i Yerusalem to jobolo go i cingi Jopath.’ ”

Tim pa Jomoor 28:25

Gikenyo joeye gi piem i dier jo wegi kendi gin munyo Paulo otieko waco gimoro acel me: Cuny Maleŋ cango otire munyo luwo gi i dhok Isaya jatuci wac Were ri kwarere mewin ni,

1 Jokorintho 10:20

Be, gim'awaco obedo ni gim'ocowere gine wi migam manyakafir meno ocow gine jwogi, to ki Were. Aka akimiti ni wiriwere gi jwogi.

1 Jokorintho 11:19

(Aka pokirok no ripo aripa bedo i dier win ŋey jor'adieri jowonenere kamaler.)

1 Jokorintho 12:11

To Cuny acel ama timo gime je; go miyo kisi dhano mic m'opokere paka go won yenyo.

1 Jokorintho 2:10

To Were onyutho wan nyaliŋliŋ me luwo i Cuny Maleŋ pere. Ato Cuny Maleŋ udo gimoro je, kada gimoro m'opanere kamadiny i Were.

2 Jokorintho 11:3

To alworo ni paro mewin bino nyekere to wiweyo miyirok mewin mar'adieri odoko makicutho ma winitie gine ri Kristo paka Eva otimo munyo jwogi owondo go gi twodo pere ma nyariekorieko.

Kitawo mar'abic mapa Musa m'ilwoŋo ni Cik 32:29

Kabedi oyido joriek, dinyo joniaŋ gime, di joparo kwoŋ nger ma gike pajo labedo.

Kitawo mar'abic mapa Musa m'ilwoŋo ni Cik 4:30

I litho mewin, ka gime je otieko timere riwin i hongo ma bino, wilagik bongi Rwoth Were mewin to wiwinjo go.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

2 Timothe 3:13

Aka ji mareco kodi ma jor'aporapora jobino medirok gi reco, munyo jowondo jowoti gin kareno iwondo jo bende.

2 Timothe 4:4

Jobino weyo winjo adieri to joketho paro pajo kwoŋ kigana makicar.

Yakobo 3:15

Rieko ma cal ameno kiwoki i polo; t'obedo ma piny ka, ki ma cuny, to apa jwogi ayino.

1 Petero 1:20

Were oyero go mafodi k'ocwey piny, aka onyuthere i ndelo macowe me ma bero mewin.

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

1 Yohana 2:18

Nyithindho paran, kole me ndir ma gike; ato witieko winjo paka Jakwor pa Kristo bino; gunyo ni jokwor pa Kristo kweth jotieko nenere, aka meno apaka waŋeyo ni gike nicegin.

1 Yohana 4:6

To wan wabedo apa Were, aka moro je m'oŋeyo Were ciko ithe riwan. To moro je ma k'obedo apa Were kiwinji wan. Me a royo ma wanyalo poko gine Cuny mar'adieri kodi cuny ma twodo.

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Menyirok ri Yohana 13:14

Aka gino omiyo go owondo ji je ma piny munyo timo gir'aura m'oyey go timo ka waŋ ogwaŋ marapena. Ogwaŋ no ooro ji je ma piny cweyo cal ma kelo dwoŋ ri ogwaŋ m'oyido ocwow g'abor, to odoko kwo.

Menyirok ri Yohana 16:14

Jobedo cuny ma nyajwogi ma jotimo gir'aura. Cuny adek me jowok kareno jokidho pa kerin i piny gipi, coko jo kanyacel ma lweny i ndelo madwoŋ mapa Were Majameni je.

Menyirok ri Yohana 18:2

Go okoko gi dwonde ma malo ni, “Go otieko podho. Babilon madwoŋ otieko podho! Go onyo otieko lokirok kabedo pa jwogi, kodi gunda ma cuny m'ocido joywomere i iye, winyin makoc ma nger je ma kicam jobed'iye.

Menyirok ri Yohana 18:23

Aka lero ma tala k'odoko oliel perin kendo. Odoko dwondi jamweha gi mweha pere k'odoko owinjere perin kendo. Jomitan perin oyido jobedo jomadongo loyo i piny gipi, aka thieth perin am'oyido iwondo gine ji je ma piny!”

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 2:11

Am'omiyo ŋata nigi ithe, wowinji gima Cuny waco ri kitipin pa jom'oyeyo! Joma joloy karatem jok'olim litho ma tho mar'ario.

Menyirok ri Yohana 2:17

Am'omiyo, ŋata nitie gi ithe, wowinji gima Cuny waco ri kitipin pa jom'oyeyo! Ŋata loyo karatem abino miyo go cemo m'opan m'ilwoŋo ni mana. Abino bende miyo go tele matar, m'ondik'iye nyingi jo Manyen, ma ŋat'omiy gino kende ama won ŋeyo.

Menyirok ri Yohana 2:29

Ŋata nigi ithe, wowinji gima Cuny waco ri kitipin pa jom'oyeyo.

Menyirok ri Yohana 2:7

Am'omiyo, ŋata nigi ithe, wowinji gima Cuny waco ri kitipin pa jom'oyeyo! Ri joma joloyo karatem abino miyo jo meni ma camo yath ma kwo manitie i Ndelo pa Were.

Menyirok ri Yohana 20:10

Aka jwogi m'oyido wondo jo ibino bolo i wakawaka ma mac gi telin maliel kam'ogwaŋ ca kodi jotuci wac were pere ma twodo jobino candirok'iye hongo je wor g'odieceŋ cil gi cil.

Menyirok ri Yohana 20:8

t'idhiro go i piny bino wondo nonin je ma jonitie i thenge aŋwen ma piny, meno Gog kodi Magog, gi coko jo ri lweny, kareno welo pajo thoth pa kwoyo ma thengi wakawaka.

Menyirok ri Yohana 3:13

Am'omiyo ŋata nigi ithe, wowinji gima Cuny waco ri kitipin pa jom'oyeyo.

Menyirok ri Yohana 3:22

Am'omiyo, ŋata nigi ithe, wowinji gima Cuny waco ri kitipin pa jom'oyeyo!

Menyirok ri Yohana 3:6

Am'omiyo ŋata nigi ithe, wowinji gima Cuny waco ri kitipin pa jom'oyeyo.

Menyirok ri Yohana 9:20

Ji m'odoŋ, ma thoyamo no k'oneko jo, jok'oŋuto kwoŋ gigipiny ma jotimo. Jok'oweyo lamo jwogi, kodi cal m'otimi gi zahabu, feza, ywel, tele kodi yath apaya ma kinyal neno, kosa winjo, kosa woth.