1 Timothe 2:9 - KITAWO MALEŊ Catholic

⁹ Kendo amito ni mon joworuki nangin mabeyo ma ripo, gi gwokirok; ma jok'ocowo paro pajo i kedo wic ma yodirok, kosa jaŋo kwoŋ gin thiwino ma zahabu kosa atege ma welo kosa ruk ma welo ma malo.

KITAWO MALEŊ

⁹ Kendo amito ni mon joworuki nangin mabeyo ma ripo, gi gwokirok; ma jok'ocowo paro pajo i kedo wic ma yodirok, kosa jaŋo kwoŋ gin thiwino ma zahabu kosa atege ma welo kosa ruk ma welo ma malo.

1 Timothe 2:9 ပူးပေါင်းရင်းမြစ်များ

Cakirok 24:53

Kenyo go owodho thiwino ma feza gi zahabu kodi nangin to miyo Rebeka. Go bende omiyo omin Rebeka gi min mic ma welo.

2 Kerin 9:30

Munyo Yehu obino i Yezirel, Yezebel oyido otieko winjo gim'otimere. Ameno owiro biendi waŋe to goyo ye wiye, aka ocungo i dirisa to ŋiyo piny i yo i cel pa kere.

Zabuli 149:4

Kole Rwoth limo kisangala i ji pere, go miyo dwoŋ ri jomamwol gi loyo.

Agecin 31:22

Go won kwoyo sukin pere, aka nangin pere itimo gi nanga mafoth manyarangi ariŋo.

Agecin 31:25

Go obedo dhako matek, aka iworo go, go kibwoki ri kwo ma yuwaŋe.

Agecin 7:10

Kenyo dhako moro obino romo gine, orukere paka malaya, kareno oyikere dwoŋo jayac no.

Isaya 3:16

Rwoth owaco, kwoŋbedo nyir ma Zayon jodele, aka jowotho ka jotelo ŋuti gin, jombieto waŋ gin m'ongoye wickwot, jothule gi woth, aka jowiyo tiendi jo.

Isaya 61:4

Jolageto tindin madongo macene kendo, jolatiŋo malo kam'oyido osika con, jolayiko tindin madongo m'obedo gundin, ma jorere i luse kweth.

Yeremia 2:32

Wiy nyako nyalo wil gi pogo pere, kosa wiy mweha wil gi ruk pere? Kucel wiy ji paran owil kodan, ma hongo malac.

Yeremia 4:30

Aka in, awi ŋat'ojwangi, onyo inyutho aŋo ni iruko nanga m'obokere, ni ijaŋo kwoŋin thiwino ma zahabu, ni ireyo waŋin gi rangi? Ipile ni ilokere maŋon. Jomitirok perin jobwonin; jodwaro kwo perin.

Matayo 11:8

To aŋo won ma wikidho yukoro neno? Neno dhano m'orukere i nangin mabeyo mayom? Kole joma ruko nangin mayom no jonwaŋere i udi pa kerin ayino.

1 Timothe 2:10

To jowobedi gi tim mabeyo paka ripo gi mon ma jowaco ni jolworo Were.