1 Timothe 2:3 - KITAWO MALEŊ Catholic

³ Gime ber aka sangala Were Jaboth mawan,

KITAWO MALEŊ

³ Gime ber aka sangala Were Jaboth mawan,

1 Timothe 2:3 ပူးပေါင်းရင်းမြစ်များ

Isaya 45:21

Biye win wikel banja mewin i kapido, weyi jowomiyere rieko kanyacel! Ŋa m'owaco gime cango? Ŋa m'otuco con? K'obedo an, Rwoth? Ongoye were man kendo, Were ma timo gim'otire aka botho, ongoye ŋatiman kendo.

Luka 1:47

aka cunyan sangala i Were Jaboth paran.

Joroma 14:18

Aka ŋata tiyo ri Kristo i royo me Were jolo, odoko ji bende foyo go.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 4:18

Atieko limo cul je, kiri gi kalo; an gi gimoro je ma yenyo, paka Epafrodito otieko kelo ran mic mewin je. Gik piny me cale mic maŋwe kur, cowirok ma jolere aka sangala Were.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

1 Jothesalonika 4:1

Macowe, wutmere, paka witieko fonjere bongi wan kiti kwo ma wiripo bedo gine aka nyaka wisangala Were, onyo wakwayo win, kendo waruma win i nyingi Rwoth Yesu, medere ameda win gi timo ameno.

1 Timothe 1:1

Balwa m'owok bongi Paulo, jamoor pa Kristo Yesu ro or pa Were ma Jaboth mawan kodi Kristo Yesu m'obedo geno mawan.

1 Timothe 4:10

Meno am'omiyo watekere aka watiyo gi tekirok, rupiri waketho geno mawan i Were makwo m'obedo Jaboth pa ji je, to tektek mere apa jom'oyeyo.

1 Timothe 5:4

Ka citho moro nitie gi nyithindho kodi nyikwaye, joripo kutho fonjirok timo tic ma mako kwoŋ yeyo i pecin pajo, jowonyal konyo jonywol pajo, rupiri meno a gima sangala Were.

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

Joebulaniya 13:16

Wiy win wokiri wowili gi timo bero kodi konyo jowoti win gi gima winigine, rupiri kiti cowirok no ama sangala Were.

1 Petero 2:20

To bero aŋo ma wilimo ka wiciro goco ma ripo kodi win ka witimo reco? Kucel ka wiciro candirok kada witieko timo bero, meno ama Were miyo silwany.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.