1 Samwiri 8:6 - KITAWO MALEŊ Catholic

⁶ Samwiri owinjo marac swa munyo jome jokwayo kere; ameno to go kwayo Rwoth womiy go rieko.

KITAWO MALEŊ

⁶ Samwiri owinjo marac swa munyo jome jokwayo kere; ameno to go kwayo Rwoth womiy go rieko.

1 Samwiri 8:6 ပူးပေါင်းရင်းမြစ်များ

Zabuli 109:4

Jokiyere kodan, makada nende anyutho jo mar, kucel akwayo rijo.

Kitawo mar'ario mapa Musa m'ilwoŋo ni Wok 32:21

Aka Musa openjo Aron, “Aŋo ma ji me jotimo rin, ŋey imiyo jo timo reco ma kiwacere me?”

Kitawo mar'ario mapa Musa m'ilwoŋo ni Wok 32:32

Mondo cwaki reco pajo; to k'ik'ocwaki, onyo reyi woko nyingan i kitawo m'indik'iye.”

Hoseya 13:10

Onyo pama nikune kere perin, ŋey wonyali thielin? Nikune jodhum perin ma tindin madongo perin je, ma wikwayo jo ni, “Miyan kere kodi jotel.”

Kwan 16:15

Nge omako Musa swa to waco ri Rwoth ni, “Ikir'ijol mic pajo moro je. Fodi akikwanyo kada punda acel kwoŋ jo, aka fodi akitimo ri kad'acel kwoŋ jo marac.”

Kwan 16:22

Jopodho gi nyim jo, to jokwayo ni, “Awi Were, Were pa ji je, ŋat'acel otim reco to nge makin gi kweth gibe?”

Kwan 16:46

To Musa waco ri Aron ni, “Kwany gitiŋo buban perin, mok'iye mac wok i migam, aka ikonj'iye buban, itiŋ piyo piyo iter i dier ji, aka itimi kwer ma ŋuto rijo; rupiri keme otieko wok bongi Rwoth; thoyamo otieko cako.”

Jofilipi 4:6

Wikiri wirembi ri gimoro je, to i kisi gimoro waci win ri Were gima wiyenyo, munyo wikwayo aka wiywakere rigo gi foyo i cuny win.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

1 Samwiri 10:19

To konon me wikwero Were mewin ma botho win wok i teko gi dinyo je; to wiwaco ni, ‘Be! Miy wan kere.’ Pama onyo wijoje cokere win ruwaŋ Rwoth luwo i nono kodi ude.”

1 Samwiri 12:12

To munyo wineno Nahas kere ma Amon cegin monjo win, wiwaco ran ni, ‘Be, wamito kere ma wodhum wan.’ Kole Rwoth, Were mewin oyido obedo kere mewin.

1 Samwiri 12:17

Me k'obedo hongo ma keco ŋano? Alakwayo Rwoth, ni wodhiri derino ma koth gi koth; aka nyaka wibino ŋeyo ni kidakana mewin dwoŋ, ma witimo ruwaŋ Rwoth, munyo wikwayo go miyo win kere.”

1 Samwiri 12:19

To Joisiraili jowaco ri Samwiri ni, “Kway riwan Rwoth Were perin, ŋey wakiri watho; rupiri wamedo i wi reco mawan raco me, munyo wakwayo kere.”

1 Samwiri 12:23

To ri an, Rwoth ogeŋan timo reco, t'aweyo kwayo riwin; kwanyo woko alafonjo win royo maber m'otire.

1 Samwiri 15:11

“Arem raŋo aloko Saulo kere; rupiri go otieko ngoye woko bongan oweyo luwan, aka k'oluwo or paran.” To Samwiri mako nge, aka wor gipi oywaki ri Rwoth.

1 Samwiri 7:5

Kenyo to Samwiri lwoŋo Joisiraili je romo gi go Mizipa, ka waco ama: “Alakwayo Rwoth riwin kenyo.”