1 Samwiri 5:3 - KITAWO MALEŊ Catholic

³ Yawere odikin munyo ji ma Asidod jokidho i ot ma lamo Dagon, jonwaŋo ni Dagon oyido opodho piny gi nyime, ruwaŋ Kakan ma Cikirok pa Rwoth. Jotiŋo malo Dagon to jodwoko i kabedo pere.

KITAWO MALEŊ

³ Yawere odikin munyo ji ma Asidod jokidho i ot ma lamo Dagon, jonwaŋo ni Dagon oyido opodho piny gi nyime, ruwaŋ Kakan ma Cikirok pa Rwoth. Jotiŋo malo Dagon to jodwoko i kabedo pere.

1 Samwiri 5:3 ပူးပေါင်းရင်းမြစ်များ

1 Kerin 18:26

Jotuci wac were pa Bal jokwanyo thwon m'okel rijo, jothumo, to jokwayo Bal wok odikin tundo sawa aucel. Jokoko ni, “Dwoki wan Bal!” Jomielo thoko migam m'oyido jogeto, to ngoye ŋat'odwoki jo.

Zabuli 115:7

Jonitie gi cingi gin, to jokimul, tiendi gin, to jokiwothi, aka dwondi gin kiwinjere.

Zabuli 97:7

Kisi ŋata lamo cal je bedo giwickwot, ma jokwot gi cal ma bukony, werin je jokule piny ruwaŋ Rwoth.

Kitawo mar'ario mapa Musa m'ilwoŋo ni Wok 12:12

“Wor no abino wotho i lowo ma Misir, neko kisi okayo, ji g'ogwaŋe, kodi miyo werin ma Misir gir'acula. An abedo Rwoth.

Isaya 19:1

Me mikwenda ma teko ma mako kwoŋ Misir. Neni, Rwoth gweco i pondeponde masew, aka bino i Misir; cal je ma Misir jolakirin ruwaŋ go, aka cuny Jomisir lapodho i jo.

Isaya 40:20

Nyatoro yero mbawo ober, mbawo ma kitopi paka mic, nyaka to dwaro japac ma jandijo, ma yiko cal makicar ma kinyal podho.

Isaya 41:7

Japac miyo jathedhi nyweny miseni, aka ŋata fotho cal makicar gi nyundu miyo jagoy musumal miseni, ka waco kwoŋ jamwon ni, “Ber.” To joridho gi musumal ŋey wokiri wonyali dhirok.

Isaya 46:7

Jotiŋo gino to jojengo i goki jo, joketho i kabedo mere, aka cungo kenyo, kinyal core wok kama nitie i iye. Ka dhano okwayo, kinyal dwoko kwayo, kosa kinyal botho ŋato wok i teko.

Yeremia 10:8

Joje jongoye gi rieko aka jomiŋ; fonji ma cal jomiyo k'opokere kodi yath!

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Mariko 3:11

Aka bin cuny m'ocido mani kwoŋ ji ka joneno Yesu, jogore piny ruwaŋe to jokoko ni, “In i Wod Were”.

1 Samwiri 6:1

Jofilistia jokano Kakan ma Cikirok pa Rwoth ma dwe abirio i piny pajo.

1 Samwiri 6:5

Ameno wiripo yiko cal ma two akwota kwoŋ, kodi cal ma fuko ma kunyo piny mewin, aka wimiy Were pa Joisiraili dwoŋ, poyo nyaka miti go owey miyo win, gi werin mewin, gi piny mewin gir'acula.