1 Samwiri 18:1 - KITAWO MALEŊ Catholic

¹ Munyo Daudi otieko luwo gi Saulo, wod pa Saulo, Yonathan omako mere gi Daudi, aka omaro Daudi paka go won omaro kwo pere.

KITAWO MALEŊ

¹ Munyo Daudi otieko luwo gi Saulo, wod pa Saulo, Yonathan omako mere gi Daudi, aka omaro Daudi paka go won omaro kwo pere.

1 Samwiri 18:1 ပူးပေါင်းရင်းမြစ်များ

Cakirok 44:30

“Riameno k'anogiki bongi baba m'ongoye jayac me, kenyo paka kwo pere otwere kwoŋ kwo pa jayac me,

2 Samwiri 1:26

Arem rin, omin an Yonathan; oyido ibedo mere paran ma kacunyan! Mar perin ran oyido oasere, oyido oasere loyo kiri mar pa mon.

1 Kigana kwoŋ Kerin 12:17

Daudi okadho romo gi jo aka owaco rijo ni, “Ka wibino paka merin konyan, afoyo gi neno win. Riwere win gi wan! To ka wimito camo ran sereko ri jokwor paran, makada nende akitemo timo riwin raco, Were pa kwarere mawan laŋeyo to miyo win gir'acula.”

Zabuli 86:11

Fonjan yo perin, Rwoth, ŋey awothi iy'adieri perin, fonjan lworo nyingin gi cunyan je.

Agecin 18:24

Jomegi jorendere ni jobedo merin, to mere m'otire bedo cegin loyo wat ma k'osunga.

Kitawo mar'abic mapa Musa m'ilwoŋo ni Cik 13:6

K'omin in, wodin, nyarin, dhako perin, kosa mere perin odwoŋin manyaliŋliŋ, ka waco ni: “Weyi walam werin man.” Werin ma win kosa kwarere mewin fodi wikiŋeyo,

Jokolosia 2:2

Atimo ameno ŋey miseni wopoŋ i cuny jo aka ŋey jowobedi kanyacel i mar to jolimo silwany ma niaŋ wac kicutho. Meno aka jobino ŋeyo nyaliŋliŋ pa Were, m'obedo Kristo won gipi.

Jothum Banja 20:11

To cwo ma Isiraili je jocokere kwoŋ tindi madwoŋ, munyo jomakere iy'acel.

1 Samwiri 14:45

To jolweny jowaco ri Saulo ni, “Adieri ilaneko Yonathan m'oturo lweny madwoŋ me ri Joisiraili? Be! Wakwoŋere ruwaŋ Rwoth makwo ni go k'orweny kada ye wiye acel. Gima go otimo konon me obedo ro kony pa Were.” Ameno ji jobotho Yonathan tho.

1 Samwiri 18:3

Yonathan omaro Daudi swa to miyo jo kwoŋirok bedo mere cil gi cil.

1 Samwiri 19:1

Saulo owaco ri wode Yonathan gi ŋecin pere can pere ma neko Daudi. To Yonathan oyido omaro Daudi gi cunye je.

1 Samwiri 19:2

Ameno Yonathan owaco ri Daudi ni, “Baba rango nekin, riameno kure; dikin odikin ikidhi kamoro aka ipondo kenyo

1 Samwiri 20:17

Yonathan doko to miyo Daudi kwoŋirok maro go, rupiri Yonathan oyido omaro Daudi gi cunye je.

1 Samwiri 20:8

Mondo tim kodan wor, i kur cikirok ma watimo ruwaŋ Rwoth. To k'inen anitie gi raco moro, in won nekan! Raŋo iteran bongi benin am'onekan?”

1 Samwiri 22:8

Meno ay'atoŋa m'omiyo wicamo ran sereko? Ongoye kada ŋat'acel kwoŋ win m'owaco ran ni wodan ma an won anywolo oriwere gi wod pa Yese. Ongoye kwoŋ win ŋati m'odewo waco ran ni Daudi, acel kwoŋ cwo paran won rango nger ma nekan, aka ni kiri wodan omiyo go meni ma nekan.”

1 Samwiri 23:18

Yonathan gi Daudi to doko jokwoŋere i nyingi Rwoth bedo mere.