1 Samwiri 11:13 - KITAWO MALEŊ Catholic

¹³ Saulo odwoko ni, “Ongoye ŋati m'ilaneko konon me, rupiri konon obedo ndelo ma Rwoth obotho iye Isiraili.”

KITAWO MALEŊ

¹³ Saulo odwoko ni, “Ongoye ŋati m'ilaneko konon me, rupiri konon obedo ndelo ma Rwoth obotho iye Isiraili.”

1 Samwiri 11:13 ပူးပေါင်းရင်းမြစ်များ

2 Samwiri 19:22

To Daudi waco ri Abisay gi omin go Yowab ni, “Ŋa m'openjo paro mewin? Wimito kelo ran teko? Aŋat'abedo kere ma Isiraili pama, aka ongoye Jaisiraili m'ibino neko konon.”

2 Samwiri 19:23

Aka kere owaco ri Simey ni, “Amiyin wac paran nike kilanekin.”

2 Samwiri 23:10

To Eliazar ay malo aka oredho piny Jofilistia cuka cinge ool to cinge moko i abor; ndelo no Rwoth oloyo lweny madwoŋ swa. Munyo lweny orumo, Joisiraili jodwoko kama Eliazar oyido nitie iye, aka jogonyo gilweny kwoŋ jom'otho.

Kitawo mar'ario mapa Musa m'ilwoŋo ni Wok 14:13

Musa odwoko ji ni, “Wikiri wilwor, cungi win matek, aka Rwoth bino botho win konon. Jomisir ma wineno me wikibino neno jo kendo.

Kitawo mar'ario mapa Musa m'ilwoŋo ni Wok 14:30

I ndelo no Rwoth obotho Joisiraili wok i cingi Jomisir, aka Joisiraili joneno Jomisir joriere i thengi nam ma jotho.

Isaya 59:16

Rwoth odhier munyo ongoye ŋat'okony ji m'idiyo, ameno cingi go ma meni, okelo rigo loyo aka obotho jo.

1 Jokorintho 15:10

To ro nema pa Were, abedo ŋat'abedo, aka nema ma go otimo ran k'obedo ma bukony. Kucel, atieko tiyo matek loyo jomoor man je, kada k'obedo tic paran won, to nema pa Were ma nikodan ama tiyo.

1 Samwiri 10:27

To cwo moro ma bukony jopenjo ni, “Jame bende nyalo nedi botho wan?” Jocayo go, aka jokwero kelo rigo mic; to Saulo liŋaliŋa.

1 Samwiri 14:45

To jolweny jowaco ri Saulo ni, “Adieri ilaneko Yonathan m'oturo lweny madwoŋ me ri Joisiraili? Be! Wakwoŋere ruwaŋ Rwoth makwo ni go k'orweny kada ye wiye acel. Gima go otimo konon me obedo ro kony pa Were.” Ameno ji jobotho Yonathan tho.

1 Samwiri 19:5

Go ojala kwo pere i ndelo m'oneko iye Goliath, aka Rwoth oloyo lweny madwoŋ swa ri Joisiraili. Munyo in bende ineno, iwinjo maber. T'onyo rango imito timo gimarac ri ŋati m'ongoye raco m'otimo rin; raŋo imito neko Daudi m'ongoye atoŋa ma miyin neko go.”