1 Kerin 9:4 - KITAWO MALEŊ Catholic

⁴ k'inowothi ruwaŋan paka benin Daudi owotho, gi cunye macil kodi tiro, timo kisi gim'amiyin cik timo, kodi kuro cik kodi Or paran je,

KITAWO MALEŊ

⁴ k'inowothi ruwaŋan paka benin Daudi owotho, gi cunye macil kodi tiro, timo kisi gim'amiyin cik timo, kodi kuro cik kodi Or paran je,

1 Kerin 9:4 ပူးပေါင်းရင်းမြစ်များ

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 20:5

Abraham won ama owaco ni go nyamin an, to Sara bende waco ni go omin an. I lonyo mar'adundo paran kodi ngoye g'apuse i cingan atimo gime.”

2 Samwiri 22:22

Atieko kuro yo pa Rwoth, aka akiwire kwoŋ Were paran timo kidakana.

1 Kerin 11:38

K'inowinji gim'anomiyin or timo je, wotho i yo paran, t'itimo gim'otire ruwaŋan kodi kuro cik paran gi Or paran, paka Daudi ŋeca paran otimo, Abino bedo kodin noknok. Abino lokin kere ma Isiraili aka abino neno nike nyikwayin jodhumo rumacen ma in, paka atimo ri Daudi.

1 Kerin 11:4

Kole munyo Solomon oti mon pere oyido jomiyo go lamo werin man. Solomon oyido ongoye gi adieri ri Rwoth Were pere paka bamere Daudi oyido nitie.

1 Kerin 11:6

Ameno Solomon otimo reco ruwaŋ Rwoth aka k'obedo gi adieri paka bamere Daudi otimo.

1 Kerin 14:8

Amayo ot pa Daudi ker t'amiyin. Aka kucel ikibedo paka ŋeca paran Daudi m'okuro or paran je, oluwan gi cunye je, munyo timo gim'otire kende i waŋan.

1 Kerin 15:5

Rwoth otimo gime kwoŋbedo Daudi otimo gim'otire ruwaŋ Rwoth, aka oluwo or pere je, kwanyo woko gima mako kwoŋ cipa Uriya Jahiti kende.

1 Kerin 3:14

Aka k'inowinjan t'ikuro cik gi Or paran paka benin Daudi otimo, abino miyin kwo mabor.”

1 Kerin 3:3

Solomon oyido omaro Rwoth aka oluwo fonji pa bamere Daudi, to bende miyo cowirok to waŋo buban i wi migame.

1 Kerin 3:6

Solomon odwoko ni, “Noknok inyutho mar madwoŋ ri baba Daudi, ŋeca perin, rupiri owotho ruwaŋin iy'adieri, i tiro, kodi cunye macil rin. Aka fodi imedere nyutho go mar perin madwoŋ makiwire gi miyo wode ma konon dhumo i kabedo pere.

1 Kerin 6:12

“K'inoluwi cik kodi or paran je, Abino timo rin gim'aciko benin Daudi.

1 Kerin 8:25

Onyo riameno, Awi Rwoth, Were pa Isiraili kur bende cikirok man m'itimo gi baba munyo iwaco rigo nike noknok acel kwoŋ nyikwaye bino dhumo paka kere ma Isiraili, k'inen jowinjin paka go.

2 Kerin 20:3

“A Rwoth, mondo akwayin, poyi paka awotho ruwaŋin i adieri aka gi cunyan je. Aka atimo kisi gim'iwaco nike otire.” Rumacen Hezekia oywaki gi geregere.

2 Kigana kwoŋ Kerin 17:4

to otiyo ri Were pa bamere, owinjo or pere, makiweno paka kerin ma Isiraili jotimo.

Zabuli 101:2

Alaluwo yo ma bu apuse. Inobin bongan keraŋo? Alabedo gi cuny m'olony,

Zabuli 128:1

Jasilwany a ŋata lworo Rwoth, ma wotho i yo pere.

Zabuli 15:2

Ŋata woth pere ongoye apuse, aka timo gim'otire, Ŋata luwo adieri wok i cunye,

Zabuli 26:1

Awi Rwoth, wac ni abu banja, kole atimo gim'otire, aka aketho geno paran kwoŋin kicutho.

Zabuli 26:11

To paka ri an, atimo gim'otire, maki kodan wor aka ibothan!

Zabuli 78:72

Daudi okwayo jo gi cunye maber, to leko jo gi ndijo ma cinge.

Agecin 10:9

Ongoye teko ma lamako joma timo adieri, t'ilaŋeyo tim pa jokidakana.

Agecin 20:7

Jono ma jotimo gim'otire jowotho iy'adieri, aka nyithindho ma joluwo jo jobedo josilwany.

Agecin 28:18

Ŋata timo adieri labedo maber, to ŋata luwo yo m'okom lapodho abwap.

Ezekiel 18:9

Meno go winjo or paran aka kuro cik paran noknok. Go timo gim'otire, aka go lakwo; Rwoth Were waco.

Zekaria 3:7

“Rwoth pa lwak jolweny waco ama: K'inowothi i yo paran, aka inokur fonji paran, kenyo iladhumo ot paran, aka alamiyin kapido paran bende, aka alamiyin thwolo ma donjo i dier jome ma jocungo ka.

Luka 1:6

Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse.

Kitawo mar'abic mapa Musa m'ilwoŋo ni Cik 28:1

Ka winowinji dwondi Rwoth Were mewin, kuro or pere je gi kinen paka amiyo win or konon, Rwoth Were mewin latiŋo win malo loyo nonin je ma i piny.