1 Kerin 5:7 - KITAWO MALEŊ Catholic

⁷ Munyo Hiram owinjo wac pa Solomon osangala swa aka owaco ni, “Rwoth wopak konon m'omiyo Daudi wode mariek no lunjo go paka kere ma piny madwoŋ no!”

KITAWO MALEŊ

⁷ Munyo Hiram owinjo wac pa Solomon osangala swa aka owaco ni, “Rwoth wopak konon m'omiyo Daudi wode mariek no lunjo go paka kere ma piny madwoŋ no!”

1 Kerin 5:7 ပူးပေါင်းရင်းမြစ်များ

Cakirok 33:5

Aka munyo Esau otiŋo waŋe malo to neno mon gi nyithindho, openjo ni, “Me jokune ma jonikodin?” Yakobo odwoko ni, “Me nyithindho ma Were omiyo ŋeca perin ro wor pere.”

1 Kerin 1:48

aka okwayo ni, ‘Weyi wapaki Rwoth, Were pa Isiraili, ma konon oloko acel kwoŋ nyithindho paran lunjan paka kere, aka omiyan kwo neno!’ ”

1 Kerin 10:9

Rwoth Were perin wopak m'onyutho nger m'osangal'iye kodin to kethin kere, dhumo i nyinge. Kwoŋbedo mar pere ri Isiraili kiwire, okethin bedo kere pajo ŋey inyal kuro cik kodi tiro.”

1 Kerin 3:9

Riameno miyan rieko ma dhumo ji perin, ŋey anyal poko i dier bero kodi raco, rupiri ŋa manyalo dhumo ji perin madwoŋ me?”

1 Kerin 4:7

Solomon oyido nitie gi jodhum apar g'ario ma jodhumo i Isiraili gipi. Oyido jomiyo kere gi peco pere cemo wok iy'adec pajo, aka kisi jacwo oyido miyo cemo ma dwe acel.

1 Kerin 5:6

Onyo riameno miy cwo perin cik jowotoŋ ran yen matek m'ilwoŋo ni sida. Cwo paran jolatic gi jo, aka abino culo cwo perin gim'inowaci je. Paka iŋeyo maber, cwo paran jokuya toŋo yen maber paka cwo perin.”

1 Kerin 5:8

Kenyo Hiram odhiro ri Solomon mikwenda ni, “Awinjo mikwenda m'idhiro ran; ayikere timo gim'iyenyo je ma mako kwoŋ yen matek sida kodi yen madongo maboyo ma jaboke kweth.

Zabuli 137:6

Weyi lewan womok i dandan, ka wiyan owil kodin, k'akiketho Yerusalem malo ma kisangala paran maloyo.

Agecin 10:1

Me agecin pa Solomon: Nyathi mariek miyo bamere kisangala, to nyathi mamiŋ kelo ri yokimere ywak.

Agecin 13:1

Nyathi mariek ciko ithe ka bamere fonjo go, to jawictek kiwinji fonji.

Agecin 15:20

Nyathi mariek sangala bamere, to jamiŋo cayo min.

Agecin 23:24

Ba joma jotimo gim'otire jolakisangala swa, ŋata nywolo wode mariek lakisangala gi go.

Isaya 8:18

Neni, an gi nyithindho paran ma Rwoth omiyan, wabedo ranyuth gi gir'aura i Isiraili wok bongi Rwoth pa lwak jolweny, ma bedo wi Got Zayon.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.