1 Kerin 3:9 - KITAWO MALEŊ Catholic

⁹ Riameno miyan rieko ma dhumo ji perin, ŋey anyal poko i dier bero kodi raco, rupiri ŋa manyalo dhumo ji perin madwoŋ me?”

KITAWO MALEŊ

⁹ Riameno miyan rieko ma dhumo ji perin, ŋey anyal poko i dier bero kodi raco, rupiri ŋa manyalo dhumo ji perin madwoŋ me?”

1 Kerin 3:9 ပူးပေါင်းရင်းမြစ်များ

2 Samwiri 14:17

Aka aparo ni cikirok perin ran bino gwokan; rupiri kere cale malaika pa Were m'oŋeyo bero gi raco.”

1 Kerin 10:24

aka piny gibe oyido mito winjo rieko ma Were oyido omiyo go.

1 Kerin 3:10

Rwoth osangala nike Solomon oyido okwayo gime.

1 Kerin 3:28

Munyo Joisiraili jowinjo nger ma kere othumo iye banja, jopoŋ rigo gi wor, rupiri joniaŋ nike Were oyido omiyo go rieko timo tiro.

1 Kigana kwoŋ Kerin 22:12

Aka weyi Rwoth womiyin niaŋ kodi rieko ŋey inyal dhumo Isiraili cungo kwoŋ cik pere.

1 Kigana kwoŋ Kerin 29:19

Miy wodan Solomon wokur cik perin je gi cunye acel aka wogeti Ot pa Were m'atieko yiko gigipiny mere.”

2 Kigana kwoŋ Kerin 1:10

Pama onyo miyan rieko kodi ŋeyo ma dhumo ji me, kole in won inyalo dhumo ji perin me, ma jothoth ama!”

Zabuli 119:144

Fonji perin otire noknok, miyan niaŋ ŋey anyal kwo.

Zabuli 119:34

Miyan niaŋ, ŋey anyal luwo cik perin, t'akuro gi cunyan je.

Zabuli 119:73

Icweyan aka ikuran maber, miyan niaŋ ŋey afonjere or perin.

Agecin 14:8

Ŋatariek timo gima go oŋeyo, to miŋo pa jamiŋo wondo go.

Agecin 16:16

Nga ber nwaŋo rieko loyo zahabu! Limo niaŋ ber loyo feza.

Agecin 20:12

Rwoth am'ocweyo ithi jo ma winjo, gi waŋ jo ma neno.

Jafonji 7:11

Rieko ber paka gir'alunja, aka obedo cwe ri jono ma joneno waŋceŋ.

Jafonji 7:19

Rieko timo gimadwoŋ ri jarieko loyo gima jodhum apar jonyalo timo ri tindi madwoŋ.

Yeremia 1:6

T'adwoko ni, “Awi Rwoth Were, kole akuya luwo fodi abedo soye.”

Yeremia 45:5

To in, idwaro gimadwoŋ ri in won? Ikir'idwar jo; kole akidho kelo teko kwoŋ kwo je, Rwoth waco; to alamiyin kwo perin paka cul ma lweny i kabedo je m'inokadh'iye.”

Matayo 3:11

Abatisa win kodi pi ma nyutho nike witieko ŋuto; to ŋata bino luwan cen bino kibatisa win gi Cuny Maleŋ kodi mac. Go loyan gi dwoŋ tektek m'akiripi kada tiŋo war pere.

Matayo 3:14

To Yohana otemo juko go ka waco rigo ni, “Iŋat'iripo kibatisa an, odoko ibino bongan ayino!”

Yohana 5:30

“Akinyali timo gimoro awon kendan; athumo banja paka Were waco ran, am'omiyo thumo banja paran otire, rupiri akitem timo gim'awon amito, to gima ŋat'ooran ama mito.

2 Jokorintho 2:16

Ri joma jorwenyo woko, wacal ŋwece ma kelo tho; to ri joma ibotho, wacal ŋwece kur ma kelo kwo. Onyo ŋa ma dinyal tic me?

2 Jokorintho 3:5

To ki ni rupiri wawegi wan gi nyalo ma timo kisi gimoro, to nyalo mawan wok bongi Were.

Joefeso 5:17

Wikiri wibedi ma miŋmiŋ, to niaŋ win gima Were mito.

Jofilipi 1:10

aka nyaka wibino nyalo yero gim'oasa bero. Meno aka wibino bedo ma bu cilo moro je kodi apuse i ndelo pa Kristo.

Joebulaniya 5:14

To cemo manwaŋ, obedo apa jom'otegino ma jotieko ŋeyo poko gima beyo gi reco.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.