1 Kerin 2:32 - KITAWO MALEŊ Catholic

³² Rwoth bino miyo Yowab gir'acula ro neki m'otimo ma baba Daudi k'oŋeyo. Yowab oneko cwo ario ma jongoye gi banja m'oyido jober loyo go: Abuner jamituka jolweny pa Joisiraili, kodi Amasa jamituka jolweny pa Joyuda.

KITAWO MALEŊ

³² Rwoth bino miyo Yowab gir'acula ro neki m'otimo ma baba Daudi k'oŋeyo. Yowab oneko cwo ario ma jongoye gi banja m'oyido jober loyo go: Abuner jamituka jolweny pa Joisiraili, kodi Amasa jamituka jolweny pa Joyuda.

1 Kerin 2:32 ပူးပေါင်းရင်းမြစ်များ

Cakirok 4:11

Aka onyo akwoŋo rin lowo m'oyawo dhoke to madho remo p'omin in wok i cingin.

Cakirok 42:22

Ruben odwoko jo ni, “Awaco riwin ni wakiri wamiy jayac litho, to wikinyalo winjo. Ameno pama iculo wan ro tho pere.”

Cakirok 9:6

Ji ocwey jo i cal pa Were, riameno ŋata neko acel kwoŋ jo bende ŋatiman bino neko go.”

2 Samwiri 1:16

Daudi owaco ri Jaamalek ni, “In won ikelo gime kwoŋin; rupiri dhokin won ama osegeya in munyo iwaco ni, ‘Aneko ŋata Rwoth owiro gi mo bedo kere.’ ”

2 Samwiri 17:25

Absalom oyido oketho Amasa paka jamituka jolweny, lunjo Yowab. Amasa oyido obedo wod pa jacwo m'ilwoŋo ni Ithira, janono Isimayil; aka min oyido ilwoŋo ni Abigayili, nyar Nahas, aka nyamin Zeruya m'oyido obedo yok Yowab.

2 Samwiri 3:29

Weyi gir'acula mere wopodhi kwoŋ Yowab gi peco pere. I kisi luse ji ma peco pere bino bedo jacwo moro manitie gi nyac kosa dhowo; kosa ma latimo tic pa mon, kosa m'ilaneko i lweny, kosa langoye gi cemo.”

2 Samwiri 3:37

Ji pa Daudi je kiri gi Joisiraili je joniaŋ ni Daudi oyido bubanja ro tho pa Abuner.

2 Samwiri 3:39

Makada nende abedo kere ma Were am'oyero, awinjo manyap konon. Wot dhakodwoŋ Zeruya me joasa bedo ran gi maker. Weyi Rwoth womiy jo gir'acula ma ripo gi kidakana pajo.”

2 Samwiri 4:11

Onyo anomiy kemba madwoŋ nedi ri cwo ma jokidakana ma joneko ŋata bubanja m'oyido nindo i kitanda pere! Onyo pama alaculo kwoŋ win kwor ma neko go aka alareyo woko kwo mewin wok i piny.”

1 Kerin 2:44

Iŋeyo maber komo m'itimo ri baba Daudi. Rwoth bino miyin gir'acula ro gino.

1 Kerin 2:5

“Giman kendo, iŋeyo bende gima Yowab wod pa Zeruya otimo ran gi neko jomituka jolweny pa Joisiraili ario, Abuner wod pa Ner kodi Amasa wod pa Yether. Ipoyo nger m'oneko iye jo i hongo ma siem iculo kwor ro ji ma joneko i lweny. Go oneko cwo m'oyido jongoye gi banja aka onyo pama acandere ro gima go otimo.

1 Kerin 8:32

Awi Rwoth, winji gi polo aka ithumi banja ri ŋecin perin. Miy gir'acula ri ŋatarac aka iwey ŋat'ongoye gi banja wokadhi.”

2 Kigana kwoŋ Kerin 21:13

t'itimo rin paka kerin ma Isiraili jotimo, t'ineko woko yeyo pa ji ma Yuda kodi ji ma jobedo i Yerusalem, paka ot pa Ahab oneko woko yeyo pa Joisiraili t'ineko woko kiri wutmin in ma ot pa benin, m'oyido jober loyin.

2 Kigana kwoŋ Kerin 21:14

Neni, Rwoth lakelo thoyamo kwoŋ ji perin, nyithindho perin, mon perin kodi lim perin,

Zabuli 7:16

Gimarac pajo wegi kelo kwoŋ jo gir'acula, aka akaka pajo miyo jo litho.

Zabuli 7:17

Abino foyo Rwoth ro tiro pere, t'apako Rwoth, Were madwoŋ loyo werin je.

Ezekiel 17:19

Riameno, Rwoth Were waco ama: Paka akwo, alamiyo go gir'acula ro kwoŋirok paran ma go ocayo, kodi cikirok paran ma go oturo.

Kwan 32:23

To ka wikitimo gime, meno witieko timo reco kwoŋ Rwoth, aka ŋey win nike reco mewin laromo gi win.

Jothum Banja 9:24

Gime otimere ŋey gwayo m'otimo ri wot Gideon piero abirio ocul kwor mere aka remo pajo wobedi i wi omin jo Abimelek, m'oneko jo, kodi jodhum ma Sekem, ma jomiyo cingi meni go neko wutmin go.

Jothum Banja 9:57

Were bende omiyo kidakana pa cwo ma Sekem podho i wi gin, kodi kwoŋ ma Yotham wod pa Gideon olwoŋo kwoŋ jo.

1 Samwiri 15:28

Samwiri owaco ri Saulo ni, “Rwoth otieko yeco woko ker ma Isiraili kwoŋin konon to miyo jager perin maber loyin.