1 Kerin 1:34 - KITAWO MALEŊ Catholic

³⁴ kama Zadok gi Nathan jobino wiro go paka kere ma Isiraili. Kenyo kudhi win gwara to wikoko, ‘Yindira kere Solomon!’

KITAWO MALEŊ

³⁴ kama Zadok gi Nathan jobino wiro go paka kere ma Isiraili. Kenyo kudhi win gwara to wikoko, ‘Yindira kere Solomon!’

1 Kerin 1:34 ပူးပေါင်းရင်းမြစ်များ

2 Samwiri 15:10

To Absalom dhiro jomikwenda manyaliŋliŋ bongi nonin je ma Isiraili waco rijo ni, “Tekin wiwinjo dwondi gwara, koki win ni, ‘Absalom olokere kere ma Hebron.’ ”

2 Samwiri 2:4

Kenyo cwo ma Yuda jobino Hebron, aka jowiro Daudi gi mo bedo kere ma Yuda. Munyo Daudi owinjo ni ji ma Yabes i tindi Giliad joyiko delkwoŋ Saulo,

2 Samwiri 5:3

Ameno jotel ma Isiraili je jobino bongi Daudi i Hebron; aka kere Daudi otimo gi jo cikirok ruwaŋ Rwoth aka jowiro Daudi gi mo bedo kere ma Isiraili.

1 Kerin 1:25

Kole go konon me won okidho to miyo cowirok ma megikwe kweth, rombo, kodi rwath ma cwe, aka olwoŋo wot kere je, Yowab jamituka jolweny perin, Abiatha jacway ri Were i wi migam; aka neni, jocemo to jomedho ruwaŋ go ka jowaco ni, ‘Yindira kere Adoniya!’

1 Kerin 1:35

Luw win go ka dwoko ka bedo i kom paran ma dhum. Go bino lunjan paka kere rupiri go am'atieko yero bedo jadhum ma Isiraili gi Yuda.”

1 Kerin 1:39

Kenyo Zadok okwanyo tungi dhiaŋ manitie iye mo wok i Wema Maleŋ, aka owiro Solomon. Jokudho gwara, aka ji je jokoko, “Yindira kere Solomon!”

1 Kerin 19:16

wiri Yehu wod pa Nimisi wobedi kere ma Isiraili, aka i wiri Elisa wod pa Safat ma wok Abelmehola wolunjin paka jatuci wac Were.

2 Kerin 11:12

Kenyo Yehoyada otelo Yowas woko, oketho sangaria i wiye, to wodho or ma dhumo paka kere. Kenyo owir Yowas aka onyuthi go paka kere. Ji jogoyo adhoŋ aka jokoko ni, “Yindira kere!”

2 Kerin 11:14

Kenyo munyo go oŋiyo, kere oyido ocungo cegin gi siro i dhiot ma Ot pa Rwoth cungo kwoŋ kwer. Jotel pa jolweny, jokudhi gwara, kodi ji je oyido jokoko gi kisangala ka jokudho gwara. Athalia oyeco nangin pere i rem to koko ni, “Sereko, Sereko!”

2 Kerin 9:13

Kenyo jotel pa jolweny wadi joyaro nangin pajo i wi madala ri Yehu wocungi iye, jokudho gwara, aka jokoko ni, “Yehu obedo kere!”

2 Kerin 9:3

Kenyo kwany agwata mo, aka ikonji i wiye t'iwaco ni, ‘Rwoth waco nike owirin bedo kere ma Isiraili.’ Aka eye kenyo piyo.”

2 Kerin 9:6

Kenyo jario jokadho i ot, aka jatuci wac Were ma nyaka ay okonjo i wi Yehu mo to waco ni, “Rwoth, Were pa Isiraili waco ni, ‘Awirin bedo kere pa ji paran Isiraili.

2 Kigana kwoŋ Kerin 23:11

Kenyo Yehoyada owodho woko Yowas, to ketho sangaria i wiye, to miyo go kitawo manitie i iye cik ma mako kwoŋ dhum, t'iloko go kere, to Yehoyada kodi wote jowiro go gi mo, to jowaco ni, “Kere woyindira.”

Zabuli 45:7

aka imaro gim'otire t'idak kidakana. Riameno Were, Were perin otieko yerin, aka omiyin kisangala maloyo, m'omiyo kerin man.

Zabuli 89:20

Aketho ŋeca paran Daudi bedo kere, awiro go gi mo maleŋ.

Zabuli 89:36

Go bino bedo gi nyikwaye noknok, aka abino kuro keri pere kafodi ceŋ liel.

Isaya 45:1

Me apaka Rwoth waco ri ŋat'owir pere, ri Siras, go m'atieko mako cinge maracuc wokengila piny kweth ruwaŋe, mayo kerin dhum pajo. Rwoth layawo rigo waŋkace ma tindi madongo. Rwoth waco ri Siras ni,

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

1 Samwiri 10:1

Kenyo to Samwiri kwanyo mo aka okonjo i wi Saulo, ocwiyo lembe aka owaco rigo ni, “Rwoth otieko wirin gi mo paka jadhum pa Joisiraili. Ibino dhumo ji pa Rwoth aka ilabotho jo wok i cingi jokwor pajo je. Aka me a ranyuth ma bino ridho rin ni Rwoth otieko wirin gi mo dhumo ji pere Isiraili.

1 Samwiri 10:24

Samwiri to waco ri ji je ni, “Me a jacwo ma Rwoth oyero. Ongoye ŋatiman ma cale go kwoŋ wan.” To ji je jokoko malo ni, “Yindira kere.”

1 Samwiri 16:3

To ilwoŋo Yese gi wote je i cowirok, aka abino waco rin gir'atima. Ibino wiro gi mo ŋat'anowaci rin paka kere.”