1 Jothesalonika 3:3 - KITAWO MALEŊ Catholic

³ aka moro kwoŋ win wokiri wogiki cen ro lweny me. Wiwegi wiŋeyo nike kiti lweny no obedo gima waripo luw'iye.

KITAWO MALEŊ

³ aka moro kwoŋ win wokiri wogiki cen ro lweny me. Wiwegi wiŋeyo nike kiti lweny no obedo gima waripo luw'iye.

1 Jothesalonika 3:3 ပူးပေါင်းရင်းမြစ်များ

Yobu 23:14

Go ketho i kare gima go ocano ran, aka nger gigipiny no thoth i paro pere.

Zabuli 112:6

Kole joma timo gim'otire jokibino yengere, ibino poyo jo cil gi cil.

Luka 21:12

“Mafodi gigipiny me je k'otimere, ibino mako win to icando win; ibino tero win i kalamo pa Joyuda kodi i jiera; ibino tero win i waŋ kerin kodi jodhum ro nyingan.

Yohana 16:2

Jobino riemo win woko i kitipa pa jom'oyeyo pa Joyuda, aka ndir bino tundo ma moro je ma neko win bino paro nike ka timo ameno meno tiyo ri Were.

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

Tim pa Jomoor 2:25

Kole Daudi cango oluwo kwoŋe ama: Aneno Rwoth i waŋan hongo je, rupiri go nitie yuracuc paran ŋey akir'ayengere.

Tim pa Jomoor 21:11

Go obino bongi wan to kwanyo del pa Paulo to won tweyo gine tiende gi cinge, to waco ni, “Me a gima Cuny Maleŋ waco, ‘Joyuda jobino tweyo won del me ama i Yerusalem to jobolo go i cingi Jopath.’ ”

Tim pa Jomoor 21:13

To go odwoko ni, “Witimo aŋo, wiywak aka wikelo ran rembo i cunyan? Kole ayikere ki nyaka ri twec kende to kiri ri tho je i Yerusalem i nyingi Rwoth Yesu.”

Tim pa Jomoor 9:16

Aka abino nyutho go paka go ripo candirok ran.”

Joroma 5:3

Maloyo meno, wasangala i candirok mawan, rupiri waŋeyo ni candirok kelo ciro,

1 Jokorintho 15:58

Am'omiyo, wutmera, cungi win matek ma wicwiny, ma wikiyengere. Yindini win ndir je i tic mewin ri Rwoth, rupiri wiŋeyo ni ongoye gima witimo i tic mewin ri Rwoth ma bu kemba.

1 Jokorintho 4:9

Kole cal ran pa Were omiyo wan jomoor kabedo macowe swa, pa ji m'othumi rijo banja ma tho, rupiri walokere gir'anena ri jomalaika kodi ji ma piny.

Joefeso 3:13

Am'omiyo, akwayo win ni wikiri wirembi, rupiri candirok paran riwin bino kelo riwin dwoŋ.

Jofilipi 1:28

Wikiri wibedi malwor ri jokwor mewin, to ndelo je bedi win miseni, rupiri meno bino nyutho jo ni jorwenyo, to win wiboth, aka meno je gima Were ama timo.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

1 Jothesalonika 5:9

Were k'oyeyo ni keme pere wogey wan, to ni walimi both luwo kwoŋ Rwodhiwan Yesu Kristo,

2 Jothesalonika 1:4

Am'omiyo, wawegi wayumere gi win i dier kitipa pa jom'oyeyo Were. Wayumere gi kite ma wimedere gine ciro teko gi bedo kodi yeyo, i lweny je kodi i candirok ma win'iye.

2 Timothe 1:8

Am'omiyo, ikir'ibedi giwickwot ma luwo kwoŋ Rwoth, kosa wickwot kwoŋan, jatwec pere. Kucel bedi kodan i candirok ri Wac Manyen Maber paka Were miyin meni ma ciro,

1 Petero 2:21

Were olwoŋo win ri gime, rupiri Kristo bende ocandere riwin aka oweyo riwin ranen, nike winyal luwo bathe.

Menyirok ri Yohana 2:10

Ikir'ilwor candirok macegin bino rin. Awaco rin ni, jwogi bino bolo megi kwoŋ win i jiera paka karatem; candirok mewin bino cowo ndelo apar. Bedi gi genirok tundo tho, aka abino miyin sangaria ma kwo.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.