1 Jothesalonika 1:3 - KITAWO MALEŊ Catholic

³ Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

KITAWO MALEŊ

³ Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

1 Jothesalonika 1:3 ပူးပေါင်းရင်းမြစ်များ

1 Jokorintho 13:13

Onyo gigipiny adek me: Yeyo, geno kodi mar je joyindira, to mar ama loyo je.

Menyirok ri Yohana 2:19

Aŋeyo tim perin, mar kodi yeyo perin, tic perin gi ciro candirok perin, odoko aŋeyo ni pama onyo imedo tic loyo kam'icak'iye.

Jogalasia 5:6

Kole i Kristo Yesu, thumirok kosa weyo ma k'othumere kikel pokirok moro; gimadwoŋ obedo yeyo ayino ma nyuthere i mar.

2 Jothesalonika 1:11

Me am'omiyo wakwayo riwin noknok, ni Were mawan wokonyi win winyal ripo gi kwo m'olwoŋ'iye win. Aka gi meni pere, woyeŋi cuny win iy'atoŋa maber ma winigine, kodi tic ma witimo wok kwoŋ yeyo.

1 Yohana 5:3

Kole me a dwoŋ maro Were; winjo or pere. Aka or pere kitek riwan timo,

Jogalasia 6:9

Am'omiyo, wakiri waol gi timo bero; kole ka wakijok timo ameno, ndir bino tundo ma wabino kec'iye gima nyak.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.

1 Jothesalonika 3:6

To Timothe otieko wok bongi win odwoko bongi wan, aka okelo riwan wac maber kwoŋ yeyo mewin gi mar mewin. Owaco riwan paka ndir je wipoyo wan, aka wiyenyo swa neno wan, paka bende wayenyo neno win.

1 Yohana 3:18

Nyithindho paran, mar mawan wokiri wobedi nyaka adhok won kende; to ripo bedo mar'adieri, ma nyuthere i tim.

Joebulaniya 10:36

Wiripo ciro candirok, ŋey witim gima Were yenyo to wilimo gima go ociko.

1 Jokorintho 15:58

Am'omiyo, wutmera, cungi win matek ma wicwiny, ma wikiyengere. Yindini win ndir je i tic mewin ri Rwoth, rupiri wiŋeyo ni ongoye gima witimo i tic mewin ri Rwoth ma bu kemba.

2 Jothesalonika 1:3

Waripo foyo Were riwin hongo je, wutmin wan! Obedo riwan gim'otire timo ameno, rupiri yeyo mewin medo dongo swa aka mar ma kisi dhano kwoŋ win nitie gine ri nyawote onyo medere.

1 Yohana 3:21

Am'omiyo jowotan, ka cuny wan kinyuthi wan banja moro, meno aka wabedo gi miseni ruwaŋ Were,

1 Petero 3:4

Kucel ŋono mewin ripo wok kwoŋ adieri ma cuny win, ŋono ma kirere ma cuny mamwol, m'okudere, manitie gi welo madwoŋ ruwaŋ Were.

Joebulaniya 11:17

Yeyo am'omiyo Abraham, munyo Were otemo go, ocwayo wode Isaka paka cowirok. Abraham, ma Were oyido otieko kiri timo gine cikirok, oyeyo miyo wode paka cowirok.

Joebulaniya 6:15

Aka munyo Abraham okudere to kuro, go olimo gima Were ociko.

1 Timothe 2:3

Gime ber aka sangala Were Jaboth mawan,

Jogalasia 5:13

To win, wutmera, olwoŋi win ni wibedi i siem. To siem me wokiri wolokere riwin gigoŋirok ma yeyo awanya ma del dhumo win. Kucel, konyere win cungo kwoŋ mar mewin.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Joroma 16:6

Mothi ran Maria, m'otieko tic tektek riwin.

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 12:12

Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 2:7

Ji megi hongo je jotimo gima beyo, aka jorango dwoŋ pa Were gi wor kodi kwo makirum; aka Were bino miyo jo kwo makirum.

Tim pa Jomoor 10:31

Owaco ni, ‘Kornelio! Were owinjo kwayo perin, aka opoyo tic perin ma konyo ji.

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

Yohana 14:15

“Ka wimaran, wibino mako or paran.

Wer pa Solomon 8:7

Pi kweth kinyal kweyo mitirok, kosa mikula kinyal munyere gine. Ka moro otemo nyewo mitirok, gi lim pere je ma ot, dinyo olimo nyaka cay.

Jafonji 2:26

Kole ri nyatoro maber ruwaŋe, go otieko miyo rieko, ŋeyo gi kisangala; to ri ŋata timo reco, go miyo go tic ma coko gi dhuro, nyaka ma miyo ŋataber ruwaŋ Were. Me bende obedo pilok kodi riemo koyo.

Cakirok 29:20

Yakobo otiyo ma oro abirio ro Laker, aka ocale rigo pa ndelo manok rupiri oyido omaro Laker.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

Joebulaniya 4:11

Am'omiyo, weyi watem paka wanyalo donjo i ywomirok no. Kiripi moro kwoŋ wan cayo dwondi Were paka jotimo, to wakeŋ donjo.

2 Jokorintho 2:17

Wakical jomathoth man, ma jooro mikwenda pa Were ma nwaŋ'iye lim; to rupiri Were ooro wan, waluwo g'adieri ruwaŋ go, paka jotic pa Kristo.

Joroma 16:26

To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji.

Yohana 15:10

Ka wimako or paran, wibino doŋ i mar paran, paka abende amako or pa Baba aka anitie i mar pere.”

Menyirok ri Yohana 3:10

Kwoŋbedo ikuro or paran ma diyo ici gi ciro candirok; abino kurin maber i ndir ma teko obin'iye ri piny gipi ma temo ji je.

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.