Zekaria 9:4 - MUMA MALER 2015

⁴ To Ruoth Nyasaye biro mayogi mwandugi duto, mi wit e nam. Dala hie to mach biro wang’o, mi rum pep.

Motingʼo Loko Manyien

⁴ To Jehova Nyasaye biro maye mwandune mi oketh tekone ma en-go e nam, kendo ibiro tieke gi mach.

Zekaria 9:4 ပူးပေါင်းရင်းမြစ်များ

Ngeche 10:2

Mwandu muyudo e yo marach ok kony gimoro. Tim makare to reso ji e tho.

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Isaya 23:11

Ruoth Nyasaye oserieyo bade e nam mondo olok loch ruodhi, bende osegolo chik mondo omuk miech Kanaan mochiel motegno.

Ezekiel 26:17

Bang’e giniwer wend ywak mawacho niya: Dala marahuma osekethi, kendo yiedhi mage olal nono. Chon jodalano ne nigi loch e nam, kendo ji duto modak e dhonam noluorogi.

Ezekiel 28:16

Ne iketo chunyi kuom tich ohala, mi mano nomiyo idonjo e timbe mahundu kod richo. Kuom mano ne oriembi oko e goda maler, kendo kerubi mane riti ne ogoli oko kuom kite mang’ang’nigo.

Ezekiel 28:18

Kane iloko ohala to ne itimo timbe mang’eny mamono, mi kuondeni mag lemo nodwanyore. Emomiyo ne amoko mach kuomi, mi iwang’ pep. Ne aloki buru mondo ji duto oneni.

Ezekiel 28:2

“Wuod dhano, nyis ruodh Turo ni an Ruoth Nyasaye awachone kama: Isungori ni ibet e kom duong’ ni in nyasaye. To kata obedo ni iwuondori ni in nyasaye kamano, to ng’e ni in mana dhano!

Ezekiel 28:8

Gibiro negi gi nek marach e chuny nam.

Joel 3:8

Abiro miyo jo-Juda ng’iewo yawuotu gi nyiu, kendo giniusgi ni jo-Sabea, modak kuma bor ahinya. An Ruoth Nyasaye ema awacho kamano.”

Amos 1:10

Kuom mano abiro oro mach e ohinga mar Turo mondo owang’ kuonde mochiel motegno mag dalano.”

Zekaria 9:5

Ka dala Ashkelon oneno kamano, to biro bedo maluor. Gaza bende kihondko biro mako, mi geno mane Ekron nigo rum. Ruodhi mag Gaza biro lal nono, bende Ashkelon nodong’ nono maonge ji modakie,