Zekaria 9:16 - MUMA MALER 2015

¹⁶ Kamano Ruoth Nyasaye ma Nyasachgi nores joge chieng’no mana kaka jakwath reso jambe, kendo enoketgi e pinye mana ka kite ma nengogi tek miketo e osimbo mar duong mondo omil.

Motingʼo Loko Manyien

¹⁶ Jehova Nyasaye ma Nyasachgi noresgi chiengʼno mana kaka jakwath reso jambe. Ginirieny e pinye ka kite ma nengogi tek mikete osimbo mar duongʼ mondo omil.

Zekaria 9:16 ပူးပေါင်းရင်းမြစ်များ

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Wuok 28:21

Kitego nyaka ndikie nying mag dhoudi apar gariyo, kaka igoro tere migoyogo sei. Kidi ka kidi mondo ondikie nying’ mag dhoudi apar gariyogo.

Wuok 28:9

Kaw kite ariyo mag berul mondo indikie nying yawuot Israel.

Isaya 40:10

Ng’euru ni Ruoth Nyasaye biro gi teko. Obiro loyo piny gi tekone maduong’ neuru, obiro gi joge mogonyo e lweny ka wuotho e nyime, ka gik moyako.

Isaya 54:12

Diriseni to abiro loso gi kite makwar, mi aket kite mang’ang’ni e dhorangeyeni, kendo ager ohingani gi kite ma nengogi tek.

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Isaya 60:3

Ogendini gi ruodhigi nobi e lerni mathinyore.

Isaya 62:3

Inibed kondo maber e lwet Ruoth Nyasaye. Adier, inibed osimb ruoth e lwet Nyasachi.

Jeremia 23:3

Abiro choko joga modong’, kagolo e pinje duto mane akeyogie, kendo nadwokgi e pinygi. Gininywol nyithindo mang’eny mi ginya.

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Jeremia 31:11

Asegolo jo-Israel e tuech, ka aresogi e lwet wasigu mane oloyogi gi teko.

Ezekiel 34:11

“An Ruoth Nyasaye awachonu ni abiro manyo rombena an awuon mi aritgi,

Ezekiel 34:12

mana kaka jakwath rito rombene mane olal moke, to ochako onwang’o. Abiro duogogi kagologi kuonde duto mane gikee, chieng’ masira mane piny otimo mudho.

Ezekiel 34:31

“Un joga, un e kueth jamba makwayo, kendo an e Nyasachu. An Ruoth Nyasaye ema awacho kamano.”

Mika 5:4

To wuowino nobi, mi nobed jatend joge, koritogi gi teko kod duong’ moa kuom Ruoth Nyasaye. Joge nodag maber, nikech ji duto manie piny noyie lochne,

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

Zefania 3:20

Ka kinde ochopo monego achokue, to anakelu dala. Anamiu pak kod huma e kind ogendini duto mae piny, ka adwokonu gueth mane un-go chon, mana kuneno. An Ruoth Nyasaye ema awacho kamano.”

Hagai 2:23

To chieng’no anakawi, in jatichna Zerubabel wuod Shealtiel kendo anami ibed ruodh jogo, nikech in ema aseyieri. An Ruoth Nyasaye ema awacho kamano.”

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Johana 10:27

Romba ong’eyo dwonda, kendo an bende ang’eyogi, kendo giluwo bang’a.