Zekaria 9:14 - MUMA MALER 2015

¹⁴ Ruoth Nyasaye biro thinyore ewi joge malo, kendo obiro chielo asere mage ka mil polo. Obiro goyo tung’, mi odhi gi ahiti moa milambo.

Motingʼo Loko Manyien

¹⁴ Bangʼ mano Jehova Nyasaye nonere ratiro koa malo ne joge kendo nochiel asere mare ka mil polo. Jehova Nyasaye Manyalo Gik Moko Duto biro goyo tungʼ mi odhi ka en ei ahiti moa yo milambo,

Zekaria 9:14 ပူးပေါင်းရင်းမြစ်များ

Ayub 37:9

Yamb ahiti biro koa yo milambo, kendo koyo mang’ich thi wuok yo nyandwat.

Zaburi 18:14

Nodiro mil polo ka aserni kokworogi koni gi koni.

Zaburi 18:15

Kane Ruoth Nyasaye okudho ka yamb nyakoyi, kendo okwero wasike, to mise mag piny noelore, kendo kude mag nam nofwenyore.

Isaya 18:3

Un ji duto modak e piny, unune koting’ bandeche lweny malo ewi gode, kendo unuwinj ka tung’ ywak.

Isaya 21:1

Wach mane Nyasaye onyiso e fweny kuom thim man but nam e ma: E fweny malichno nanenoe kalausi mager kaa e thim man yo milambo, ma en piny ma ji oluoro.

Isaya 27:13

Chieng’no tung’ maduong’ noywagi, mi joma olal e piny Asuria nobi, kaachiel gi joma noter Misri e tuech, mi ginilam Ruoth Nyasaye e got maler man Jerusalem.

Isaya 30:30

Bang’e Ruoth Nyasaye nomi winj dwonde man gi duong’, kendo nonyis bade motimo mach mawang’o gik moko duto, ka lor gi mirima mager, ka polo mor gi koth maduong’, machue gi pe kod yamo mager.

Isaya 31:5

Bende kaka winyo huyo but ode, ka rito nyithinde, e kaka Ruoth Nyasaye Manyalo Gik Moko Duto nobed karito Jerusalem. Ee, norite kendo nokonye, bende norese.”

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Habakuk 3:11

Wang’ chieng’ gi due ochung’ achung’a keregi, ka gineno polo ka mil, mana ka gima gin aserni gi tong’ magi.

Habakuk 3:14

Wasikwa nobiro ka kalausi, kaparo ni biro tiekowa, mana kaka inyalo tieko ng’at modhier man kar kende. To kata kamano ne itiekogi mana gi gilwenjegi giwegi.

Zekaria 12:8

“Chieng’no an Ruoth Nyasaye nabed okumba ni jo-Jerusalem, mi kata mana ng’ama yomyomie moloyo kuomgi nobed motegno ka Daudi, kendo joka Daudi nobed jotend ji mana kaka Nyasaye kata malaika mare.

Zekaria 14:3

Eka Ruoth Nyasaye nowuogi mi ked gi ogendinigo mana ka gima okedo e paw lweny.

Zekaria 2:5

Ruoth Nyasaye owacho ni obiro bedone ohinga mar mach molwore, kendo obiro bedone duong’ maler e diere.”

Mathayo 24:31

Enoor malaikane e tung’ piny gi tung’ piny, ka tung’ ywak matek, mondo ochok joge ma oseyiero, chakre e tung’ piny konchiel nyaka komachielo.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Jo-Rumi 15:19

Notimonigi gi weche kod timbe, kendo gi teko manenore kuom ranyisi gi honni, ma en teko mar Roho. Kamano asetieko lando Wach Maber mar Kristo koni gi koni, chakre Jerusalem nyaka Iliriko.

Jo-Hibrania 2:4

Nyasaye owuon bende nonyiso ni en adier, kuom timo ranyisi gi honni kod tije madongo mopogore opogore, kendo kuom pogonwa mich mag Roho kaka en owuon odwaro.

Joshua 10:42

Joshua nomako ruodhigo duto, kaachiel gi pinjegi e lweny achielno, nimar Ruoth Nyasaye ma Nyasach Israel nokedo ni joge.

Fweny 6:2

Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.