Zekaria 8:7 - MUMA MALER 2015

⁷ Winjuru! Abiro reso joga kagolo e pinje ma yo wuokchieng’ gi ma yo podho chieng’,

Motingʼo Loko Manyien

⁷ Ma e gima Jehova Nyasaye Maratego wacho: “Abiro reso joga e lwet pinje man yo wuok chiengʼ gi yo podho chiengʼ.

Zekaria 8:7 ပူးပေါင်းရင်းမြစ်များ

Nehemia 1:9

To kuduogo ira, mi urito chikna, to anachoku, kendo anadwoku e dala miseyiero mondo nyinga obedie, kata obedo ni uke muchopo e tung’ piny gi tung’ piny.’

Zaburi 113:3

Chutho, nying Ruoth Nyasaye mondo odendi, chakre wuok chieng’ nyaka podho chieng’.

Zaburi 147:2

Ruoth Nyasaye chako gero Jerusalem kendo. Oduogo jo-Israel mane oter e tuech,

Zaburi 50:1

Ruoth Nyasaye ma Nyasach nyiseche wuoyo, kaluongo piny duto, chakre yo wuokchieng’ nyaka yo podho chieng’.

Isaya 49:12

Neuru! Ginibi ka gia kuonde maboyo. Moko noa yo nyandwat gi yo podho chieng’, to moko noa e piny Syene yo milambo.”

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Jeremia 31:8

Abiro kelogi kagologi yo nyandwat, kendo abiro chokogi kagologi e tung’ piny koni gi koni, kaachiel gi muofni gi rang’onde mi mon mayach kendo ma muoch kayo, mi giniduogi, ka gin oganda maduong’.

Ezekiel 11:17

Kuom mano, nyisgi ni an Ruoth Nyasaye awacho ni abiro chokogi kagologi e pinje mane akeyogie, kendo abiro dwokonigi piny Israel.

Ezekiel 36:33

“An Ruoth Nyasaye awacho niya, ‘Ka apwodhou kuom richou duto, to anami uchak udag e miechu, mi uger kuonde mane omukore.

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Rapar mar Chik 30:3

to Ruoth Nyasaye ma Nyasachu nong’wonnu, mi nochak omi udhi nyime maber kendo. Enochak ochoku kendo kanyakla, kogolou e pinje duto mane okeyoue.