Zekaria 8:4 - MUMA MALER 2015

⁴ Bende an Ruoth Nyasaye Manyalo Gik Moko Duto awacho ni, Jodongo kod mon moti biro chako bet e wang’yore mag Jerusalem kendo, ka moro ka moro sirore gi luth nikech hike oniang’ ahinya.

Motingʼo Loko Manyien

⁴ Ma e gima Jehova Nyasaye Maratego wacho: “Chwo gi mon mahikgi ngʼeny biro bet e yore mag Jerusalem kendo, ka moro ka moro kuomgi sirore gi luth nikech hike ngʼeny.

Zekaria 8:4 ပူးပေါင်းရင်းမြစ်များ

Ayub 42:17

Eka ne otho ka hike oniang’ maber.

Ayub 5:26

kendo inidag aming’a, mi itho ka ndaloni ogik kare, mana ka cham mochiek maber mokel kar dino.

Wuok 21:19

kendo bang’e ochango, ma koro onyalo wuotho oko kata mana kosirore gi luth, to jal mane ogoyeno ok nobed gi bura. To nyaka ochul gimoro kuom kinde ma jalo oseketho, kendo nyaka one ni othiedhe, mochango chuth.

Jeremia 31:13

Bang’e nyiri nomiel kendo nobed mamor, kendo yawuowi gi joma dongo bende nobed mail. Anakue chunygi kendo nalok lit ma gin go obed mor, kendo kuyo ma gin go obed ilo.

Jeremia 31:24

“Ji biro dak e piny Juda, kendo e mier mage duto. Bende nobedie jopur, kod jokwath gi jambgi.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.

1 Samuel 2:31

Ndalo biro ma anang’adie tekoni oko gi teko mar dhoodu bende, nyaka chieng’.

1 Samuel 2:32

Eka e chandruokni inine mwandu duto ma Nyasaye omiyo jo-Isarel, kendo inigombi, to onge ng’at ma noru e dhoodi nyaka chieng’.