Zekaria 8:2 - MUMA MALER 2015

² “Magi e weche Ruoth Nyasaye Manyalo Gik Moko Duto: Hera malich ma aseherogo Sayun osemiyo abedo gi mirima. Adier, hera maherego osemiya mirima mager.

Motingʼo Loko Manyien

² Ma e gima Jehova Nyasaye Maratego wacho: “An gi nyiego maduongʼ nikech Sayun; kendo nyiego omaka malich nikech dalano.”

Zekaria 8:2 ပူးပေါင်းရင်းမြစ်များ

1 Weche mag Ndalo 12:19

Kane Daudi dhi gi jo-Filistia mondo giked gi Saulo, jo-Manase moko noweyo Saulo modok ni Daudi. Kata kamano Daudi ne ok okonyo jo-Filistia, nimar kane jotendgi oseporo wach, ne giriembe. Ne giwacho niya, “Dipo kondhogowa kodok ni Saulo ma ruodhe, mi okelnwa masira.”

Isaya 59:17

Ne orwakore gi tim makare ka law akor mar nyinyo, kendo ne orwako warruok ka ogut lweny. Bende ne orwako chulo kuor ka ng’ama rwako law, kendo mirima mager ema ne obolo kuome ka law abola.

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

Joel 2:18

Bang’e Ruoth Nyasaye nonyiso ni ohero pinye ahinya, kendo nokecho joge.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Zekaria 8:1

Wach Ruoth Nyasaye Manyalo Gik Moko Duto nobirona niya,