Zekaria 8:19 - MUMA MALER 2015

¹⁹ “Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Motingʼo Loko Manyien

¹⁹ Ma e gima Jehova Nyasaye Maratego wacho: “Riyo kech mitimo e dwe mar angʼwen, gi mar abich, gi mar abiriyo, gi mar apar biro bedo kinde mag mor gi ilo kendo gibiro doko kinde mag sewni moyier mag mor ne jo-Juda. Emomiyo heruru adiera kod kwe.”

Zekaria 8:19 ပူးပေါင်းရင်းမြစ်များ

2 Ruodhi 25:1

Omiyo chieng’ due apar, due mar apar, e higa mar ochiko mar loch Zedekia, Nebukadnezar ruodh Babulon nobiro gi joge mag lweny, mi gimonjo Jerusalem. Ne gigero kambi oko mar dala, eka ne gichielone ohinga molwore.

2 Ruodhi 25:25

To e due mar abiriyo, Ishmael wuod Nethania ma wuod Elishama ma anywola joka ruoth, nobiro gi ji apar, momonjo Gedalia. Ne ginege, kaachiel gi jo-Yahudi kod jo-Babulon mane ni kode Mizpa.

Zaburi 30:11

Iseloko kuyo mane an go odoko ilo, bende iselonyo lepa mag ywak, mi imiya lewni mag mor.

Zaburi 34:15

Ruoth Nyasaye rango joma kare gi ng’wono, kendo pile oyie winjo ywakgi.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Jeremia 36:6

Omiyo adwaro ni wang’ni ka ji tueyo chiemo, to mondo idhi kuno isom weche manie kitabuni matek mondo giwinj gik moko duto ma Ruoth Nyasaye osenyisa, mi awachoni indiko. Nyaka itim kamano kama ji duto nyalo winjigo, koda ka jo-Juda mobiro ka oa e miechgi.

Jeremia 39:2

Kamano chieng’ due ochiko due mar ang’wen e higa mar apar gauchiel mar loch ruoth Zedekia, ne omuk ohinga mar Jerusalem.

Jeremia 52:4

Omiyo chieng’ due apar due mar apar e higa mar ochiko mar loch Zedekia, Nebukadnezar ruodh Babulon nobiro gi joge mag lweny, momonjo Jerusalem. Ne gigero kambi oko mar dala, eka gichielone ohinga molwore.

Ezekiel 18:8

Ok ohol pesa mondo oyudie ohala, bende odagi timo timbe mamono, kendo ong’ado bura kare e gimoro amora ma ji yalo.

Ezekiel 24:1

Chieng’ due apar, due mar apar, e higa mar ochiko, Ruoth Nyasaye nowuoyo koda, mowachona niya,

Zekaria 7:3

Ne oorogi mondo gipenj jodolo manie Od Ruoth Nyasaye Manyalo Gik Moko Duto kod jonabi niya, “Wasebedo kwaywak kendo watweyo chiemo e due mar abich, kuom higni mang’enygi, to pod onego wamed timo kamano koso?”

Zekaria 7:5

“Nyis ane ji duto kod jodolo niya, ‘Bende ne umiya duong’ adier, kuom riyo kech mane uriyogo e due mar abich gi mar abiriyo, kuom higni piero abiriyogo?

Zekaria 8:16

To gik ma onego utim e magi: Ng’ato ka ng’ato nyaka wach mana adiera kende ni wadgi, kendo nyaka uyal bura kare, kendo gi adiera, mondo kue obedie.

Zekaria 8:18

Wach Ruoth Nyasaye Manyalo Gik Moko Duto nobirona niya,

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.