Zekaria 8:13 - MUMA MALER 2015

¹³ Un jo-Juda kod jo-Israel, usebedo ranyisi malong’o ni ogendini mamoko duto kuom gima timore ni joma akuong’o, to koro abiro resou, mi ubed ranyisi mar gima timore ni joma aguedho. Kuom mano kik ubed maluor, to beduru gi chir.”

Motingʼo Loko Manyien

¹³ Mana kaka usebedo gima ikwongʼo e dier ogendini, yaye Juda gi Israel, e kaka koro abiro resou, mi udok joma ji yudo gweth kuomgi. Kik ubed maluor, to beduru gi chir.”

Zekaria 8:13 ပူးပေါင်းရင်းမြစ်များ

Chakruok 26:4

Anami nyikwayi bedo mang’eny ka sulwe mae polo, kendo anamigi pinyni duto, mi ogendini duto nokwaya mondo agwedhgi kaka aseguedho nyikwayi.

Zaburi 44:16

nikech wasikwa nyierowa, kendo yanyowa, ka chulo kuor.

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Zaburi 79:4

Ogendini mokiewo kodwa goyonwa siboi, ka nyierowa kendo jarowa.

Isaya 43:28

Jodongu bende ne omiyo Hekalu mara odoko mogak. Mano omiyo ne ajwang’o jo-Israel ma nyikwa Jakobo mondo otieki, mi yud wichkuot.

Jeremia 24:9

Abiro kelo kuomgi masira malich ma nomi ogendini duto bed maluor. Ji nobed ka ngerogi, kendo tugo kodgi. Bende ji nochargi, kendo noluong nyinggi ka gima okuong’ kuonde duto ma akeyogie.

Jeremia 25:18

Ogendini mane omi omadhego ne gin jo-Jerusalem kaachiel gi joma odak e miech Juda, kod ruodhigi gi jotendgi. Ne omi gimadhe mondo gin gi pinygi gilokre gima owe ma ji chayo, kendo gima lich mabwogogi. Bang’e nyinggi nobed gima ikuong’ogo ji. Kamano e kaka pod ochal nyaka chil kawuono.

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 29:18

Abiro chandogi gi lweny gi kech gi tuoche, mi ogendini duto mag piny biro bedo maluor koneno gima otimorenigi. Kamoro amora ma akeyogie, ji nobed kangerogi kendo tugo kodgi. Ginichargi, kendo giniluong nyinggi ka gima okuong’.

Jeremia 33:24

“Donge isewinjo ka ji wacho ni aseweyo jo-Israel gi jo-Juda, ma gin dhoudi ariyo mane ayiero? Kuom mano koro gicharo joga, kendo ok gikwan-gi ka joma nigi pinygi.

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Jeremia 44:12

Kata mana jo-Juda modong’ moramo nyaka dhi dag e piny Misri, abiro tieko chuth. Lweny kata kech biro negogi duto e piny Misri. Ginilokre gima bwogo ji, mi ji nojargi, kendo noluong nyinggi ka gima okuong’.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Ywagruok 4:15

Ji ne goyonigi koko niya, “Dhiuru kucha! Dhiuru kucha, un joma ogak. Dhiuru kucha, kik ubi machiegni.” Kuom mano ne giringo piyopiyo mi gidhi, kendo gibayo e kind ogendini, ka ok ginyal nwang’o kuonde dak.

Ezekiel 34:26

“Anaguedhgi kendo anawe gidag e alwora mar goda maler, kakelonigi koth e kinde mowinjore.

Ezekiel 37:11

Nyasaye nowachona niya, “Wuod dhano, jo-Israel chalo mana gi chokego. Giwacho ni gitwo kururu, kendo ni gionge gima gigeno.

Ezekiel 5:15

Adier, ka akumou malit gi mirimba mager to unubed gima ichayo, kendo miyanyo, bende unubed puonj malich ni ogendini mokiewo kodu. An Ruoth Nyasaye ema awacho kamano

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Mika 5:7

Jo-Israel modong’ mak otho nochal ni ogendini mang’eny ka koth ma Ruoth Nyasaye okelo ni cham, nikech dhano ok nyal kelo koth, to Nyasaye ema kele.

Zefania 3:16

Wach ma nobi ni Jerusalem chieng’no e ma: A jo-Sayun, kik ubed maluor, kendo kik uwe lwetu nyosre.

Zefania 3:20

Ka kinde ochopo monego achokue, to anakelu dala. Anamiu pak kod huma e kind ogendini duto mae piny, ka adwokonu gueth mane un-go chon, mana kuneno. An Ruoth Nyasaye ema awacho kamano.”

Hagai 2:19

Adier, chakre kawuono paruru matut mondo une ane ka pod cham dibed matin, kata kapod mzabibu gi komamanga kod zeituni ok dinyag olemo. Ooyo, ok nobed kamano, nikech chakre kawuono abiro guedhou.”

Hagai 2:5

kendo Roho mara ni kuomu. Kik ubed maluor,

Zekaria 1:19

Eka ne apenjo malaika mane wuoyo koda ni, “Magi to ang’o?” Ne odwoka ni “Gin ruodhi mosekeyo jo-Juda gi jo-Israel kod jo-Jerusalem.”

Zekaria 14:11

Ji nodag Jerusalem gi kue, ka onge ng’ama bwogogi ni ibiro kuong’ dalagi mondo okethi.

Zekaria 8:15

e kaka asechano mondo aguedh Jerusalem kod jo-Juda: omiyo kik ubed maluor.

Zekaria 8:9

Ruoth Nyasaye Manyalo Gik Moko Duto wacho kama: “Beduru gi chir, un joma ndaloni weche ma jonabi osebedo kawacho, chakre chieng’ mane iketoe mise mar Hekalu mara, mondo ochak oger kendo.

Zekaria 9:13

Aseloko Juda atung’ kendo asetimo Israel asere. Asekawo yawuoti yaye Sayun, mi aloko ligangla ma akedogo gi jo-Yunani.”

1 Jo-Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

Jo-Galatia 3:14

Gigo notimore kamano mondo gueth mane Nyasaye osingore ni Ibrahim obi ni joma ok jo-Yahudi kuom Kristo Yesu, kendo mondo wayud Roho mane Nyasaye osingore ni nochiw ni joma oyie.

Rapar mar Chik 26:19

Obiro ting’ou malo moloyo ogendini mamoko duto mane ochueyo, mondo nyinge oyud duong’ gi pak kod huma. Kamano unubed oganda mowal ni Ruoth Nyasaye ma Nyasachu mana kaka nosingore.”

Rapar mar Chik 28:37

Nyingu nolokre ka ngero, kendo gima ji jaro kendo nyiero.