Zekaria 8:12 - MUMA MALER 2015

¹² Ginichwo kodhi ka gin gi kue, mi mzabibu nonyag olembe, kendo lowo nochieg cham. Koth bende nochuenigi maber, kendo anaguedh joma odong’ kuom jogagi gi gigo duto.

Motingʼo Loko Manyien

¹² “Kodhi notwi maber, mzabibu nonyag olembe, cham nochieg e piny, kendo polo nochiw tho margi. Abiro chiwo gigi duto kaka girkeni ni joma odongʼ kuom jogi.

Zekaria 8:12 ပူးပေါင်းရင်းမြစ်များ

Chakruok 26:12

E higano, Isaka nopuro, mi nokayo cham moloyo ma nochwoyo nyadi mia, nikech Ruoth Nyasaye noguedhe.

Chakruok 27:28

Nyasaye mondo okelni koth moa e polo, mondo puotheni obed momew kendo iyud cham gi divai mogundho.

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

Zaburi 72:3

Ji modak e gode madongo gi matindo onego odag maber gi kue.

Zaburi 85:12

Ruoth Nyasaye biro miyo wadhi nyime maber, kendo pinywa biro nyago cham mogundho!

Ngeche 19:12

Ruoth ma mirima omako chalo gi sibuor maruto, to ka omor kodi, to morneno chalo koth machue.

Isaya 30:23

Ruoth Nyasaye nokel koth ni chambu, kendo nomi puotheu chieg cham mogundho. Jambu bende nokwa e lege madongodongo,

Isaya 61:7

Kar bedo gi wichkuot, to unuyud pok nyadiriyo, kendo kar yudo achaya, to unubed mamor gi poku. Kamano unuyud pok nyadiriyo e pinyu, mi ubed gi mor mochwere,

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Ezekiel 34:28

Ogendini mamoko ok nochak oyakgi, bende ondiegi ok noneggi mi chamgi, to ginidag gi kue, maonge ng’ama bwogogi.

Ezekiel 36:12

Un joga Israel, anadwoku mondo uchak uwuoth e pinyu. Enobed pinyu uwegi, kendo nochieg maber, mi kech ok nochak oneg nyithindu.

Ezekiel 36:30

Adier, anami olembu nyag mang’eny, kendo chambu chieg mathoth, mondo kik uchak ubed gi kech ma dikuod wiu e kind ogendini.

Ezekiel 36:9

An kodu, omiyo abiro konyou, mi puotheu pur, kendo ketie kodhi.

Hosea 13:3

Kuom mano ji biro leny nono, mana ka ong’ueng’o, kata ka tho maduono ka nyango tegno. Ginichal mana gi mihudhi ma yamo keyo kar dino, kendo ka iro mawuok e kendo, mi lal nono.

Hosea 14:5

Abiro chalo ni jo-Israel kaka koth e piny motwo. Gibiro moyo ka maua, kendo tiendegi biro kar ka yiend Lebanon.

Joel 2:19

Nowinjo ywakgi, modwokogi niya, “Koro abiro miyou cham gi mzabibu kod mo, mi unuyieng’. Onge ogendini mamoko ma nochak ojaru kendo.

Joel 2:22

Un le bende, kik ubed maluor, nikech lege loth, kendo yien nyago olemo. Ee, yiend ng’owo kod mzabibu nyago olemo mang’eny.

Tim jo-Lawi 26:3

“Ka uwuotho e yorena, mi urito chikena, kendo uluwogi,

Zefania 3:13

Jo-Israel modong’ noyud kar resruok e nying Ruoth Nyasaye. Ok ginichak gitim timbe mamono, kendo weche mag miriambo miwuondogo ji ok nowuog e dhogi, nimar ginichal gi rombe machiemo kendo nindo piny, ma onge ng’ama bwogo.’ ”

Hagai 1:10

Mano emomiyo polo otwo, ma koth ok chuenu, kendo piny otho ma ok nyag gimoro.

Hagai 2:18

“Paruru, chakre kawuono, due piero ariyo gang’wen due mar ochiko, ma en odiechieng’ moketie mise mar Hekalu mara.

Hagai 2:19

Adier, chakre kawuono paruru matut mondo une ane ka pod cham dibed matin, kata kapod mzabibu gi komamanga kod zeituni ok dinyag olemo. Ooyo, ok nobed kamano, nikech chakre kawuono abiro guedhou.”

Zekaria 8:6

“An Ruoth Nyasaye Manyalo Gik Moko Duto, awacho kama: Kata kapo ni gima kamano nenore ni joma odong’ e ogandani ka gima ok nyal timore, koro an bende nonenrena kamano?

Malaki 3:11

Ok nawe kute keth chambu, kendo yiendu mag mzabibu nonyag olembe mang’eny.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

1 Jo-Korintho 3:21

Omiyo ng’ato kik pakre nikech dhano, nimar gik moko duto gin mau.

Rapar mar Chik 32:2

Puonj mara mondo obed ka koth machue e lek, kendo wechena mondo obed ka tho mamiyo lum doko mang’ich.

Rapar mar Chik 33:13

Kuom joka Josef to nowachoe niya, “Ruoth Nyasaye onego guedh lopgi, gi chiwo maber moa e polo malo, kaachiel gi pi manie bwo piny,

Rapar mar Chik 33:28

Kamano jo-israel odak gi kue. Adier, nyikwa Jakobo odak maonge ng’ama thagogi e piny machiego cham gi divai, kama tho moa e polo tonie maber.

Jakobo 3:18

Kodhi mopidhi gi kue nyago timbe mabeyo ni joma kelo kue mopidhogi.