Zekaria 7:9 - MUMA MALER 2015

⁹ “An Ruoth Nyasaye ne awacho niya, ‘Ng’aduru bura kare, ka ng’ato ka ng’ato miyo wadgi luor kendo timone ng’wono.

Motingʼo Loko Manyien

⁹ “Ma e gima Jehova Nyasaye Maratego wacho, ‘Ngʼaduru bura madier; nyisuru tim ngʼwono kod kech ni jowadu.

Zekaria 7:9 ပူးပေါင်းရင်းမြစ်များ

2 Samuel 9:7

Daudi nowachone niya, “Kik iluor, nimar abiro timoni maber nikech hera ma naherogo Jonathan wuoru. Abiro dwokoni puothe duto mane mag Saulo kwaru, kendo anamiyi chiemo pile.”

Ayub 31:20

to ne amiye lewni molos gi yie romba awuon, mi opaka gi chunye duto.

Ayub 6:14

E kinde ma ng’ato nigi chandruok kama, to odwaro mana osiepe mawinjo wachne, bed ni osejwang’o Nyasaye, kata pok ojwang’e.

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 22:3

An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Jeremia 7:5

Lokuru yoreu gi timbeu, kendo ng’ato ka ng’ato mondo otim ni wadgi gima kare.

Ezekiel 18:8

Ok ohol pesa mondo oyudie ohala, bende odagi timo timbe mamono, kendo ong’ado bura kare e gimoro amora ma ji yalo.

Ezekiel 45:9

Ruoth Nyasaye nowacho niya, “Usetimo richo aming’a un jotend Israel. Weuru timbeu mag mecho kod mag thir muthirogo ji. To timuru mana gik makare kendo mowinjore. Bende kik uchak uriemb joga e lopgi kendo. An Ruoth Nyasaye ema awacho kamano.

Hosea 12:7

Ruoth Nyasaye wacho niya, “Jo-Israel bende jomganga mana ka jo-Kanaan. Gin gi rapim ma ok ni kare, kendo gihero wuondo jong’iewo.

Tim jo-Lawi 19:15

“Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera.

Amos 5:24

Weuru bura makare omol ka pi, kendo tim makare bende omol ka aora ma ok duon.

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Zekaria 7:7

Donge mano e gima namiyo jonabi machon ohulo e kinde mane kue nitie kendo ji opong’o Jerusalem gi mier mane olwore koni gi koni, kaachiel gi piny ma yo milambo kod piny pap?”

Zekaria 7:8

Ruoth Nyasaye nowacho ni Zekaria kama:

Mathayo 23:23

Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.

Luka 11:42

“Mano kaka unune malit, un jo-Farisai! Uketo chunyu kuom chiwo ni Nyasaye mich mar achiel kuom apar mar apoth gi onyulo, kod alode mamoko duto maonge tich, to uweyo ng’ado bura kare, kendo ok uhero Nyasaye! Gigo ema onego bed ni utimo to mamokogo bende ok onego uwe mak utimo.

Johana 7:24

Mano omiyo kik ung’ad bura kurango mana gik ma oko, to ng’aduru bura mana gi adiera.”

Johana 7:51

“Donge Chikwa okwer ni kik ng’ad ni ng’ato bura ka pok oyale, mi owinj wechene?”

Rapar mar Chik 22:1

“Kineno dher wadu moro kata rombone ka ringo lal, kik iweye to nyaka igeng’e, mi idwoke ni wuon-go.