Zekaria 7:13 - MUMA MALER 2015

¹³ Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Motingʼo Loko Manyien

¹³ “ ‘Kane aluongo, ne ok giwinjo, omiyo gin bende kane giluongo to ne ok anyal yienegi,’ Jehova Nyasaye Maratego owacho.

Zekaria 7:13 ပူးပေါင်းရင်းမြစ်များ

Ngeche 21:13

Ka ng’ato odino ite ni ywak joma odhier, to en bende ywakne ok nowinji.

Ngeche 28:9

Ka ng’ato ok orito chik, to kata mana lemone Nyasaye mon-go.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Jeremia 11:10

Gisedok e richo kweregi mane otamore timo gima ne awacho, nikech gisebedo ka gilamo nyiseche manono. Jo-Israel gi jo-Juda oseketho singruok mane atimo gi kweregi.

Jeremia 11:11

Kuom mano an Ruoth Nyasaye asiemogi ni abiro kelo masira kuomgi kendo onge ng’at ma notony. To kata ka giywak mondo akonygi, to ok nadewgi.

Jeremia 11:14

Kuom mano, in Jeremia, kik ilam ni jogi, kata kik isaya mondo akonygi nimar kata ka ginie chandruok mi giluonga, to ok nadewgi.”

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 7:27

To in Jeremia, kata obedo ni inyisogi weche duto kamano, to ok giniwinj wachni, kendo kata obedo ni iluongogi, to ok giniyieni.

Ywagruok 3:44

Iseumori gi boche polo, mondo lemowa kik tund iri,

Ezekiel 14:3

kawachona niya, “Wuod dhano, jogi oketo chunygi kuom lamo nyiseche manono, kendo giyie mondo nyisechego otergi e richo. Koro ere kaka giparo ni anyalo dwokogi?

Ezekiel 20:3

“Wuod dhano, nyis jogi ni an Ruoth Nyasaye awacho kama: Bende usebiro ni mondo upenja wach adier? Kaka an Nyasaye mangima, ok anayienu mondo upenja gimoro! An Ruoth Nyasaye ema awacho kamano.

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Luka 13:25

Jaduong’ ot biro chung’, mi lor dhoot, to bang’ mano, kuchung’ oko mi udwong’o kuwacho ni, ‘Jaduong’, yawnwa’, to nodwoku ni, ‘Ok ang’eyou! Ua kanye?’

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.