Zekaria 7:10 - MUMA MALER 2015

¹⁰ Kik usand nyithi kiye gi mond liete, gi jopinje mamoko modak kuomu, kod joma odhier, bende kik ng’ato chan timo ni wadgi tim moroo mamono.’

Motingʼo Loko Manyien

¹⁰ Kik usand dhako ma chwore otho kata nyathi kich, kata jadak, kata jadhier. Kik upar timo marach ni jowadu gie chunyu.’

Zekaria 7:10 ပူးပေါင်းရင်းမြစ်များ

Zaburi 140:2

Pile gichano timo richo, ka gidwaro mana dhaw.

Zaburi 21:11

Kata obedo ni giparo yore maricho ma digitiekego, to obiro tamogi.

Zaburi 36:4

Ochano gik mamono koriere e kitanda. Timne rach, omiyo ok onyal kwero gimoro marach.

Zaburi 72:4

Ruoth onego ong’ad bura kare ni joma chandore, kendo okony jochan, mi olo joma thirogi.

Wuok 23:9

“Kik usand jodak, nikech ung’eyo paro ma jodak nigo, nimar un bende ne un jodak e piny Misri.

Ngeche 3:29

Kik ipar timo gimoro marach ni osiepni, nikech en wadu mudakgo.

Ngeche 6:18

mar ang’wen en chuny maparo timo timbe mamono, mar abich en tielo marikni ka dhi timo richo,

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 49:11

Kuom mano onego uwena nyithindu makiye mondo ariti. Mondu mag liete nyalo konyore kuoma.”

Jeremia 5:28

bende emomiyo gichwe kendo dendgi leny. Timbegi maricho ng’eny mokadho akwana. Ok gikony nyithi kiye mondo oyud bura makare, bende ok ging’ad bura makare ni joma odhier.

Jeremia 7:6

Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Ezekiel 18:12

Othiro joma odhier, bende omecho, kendo otamore dwoko gima osingne. Olamo nyiseche manono, kendo otimo timbe modwanyore,

Ezekiel 22:12

Jomoko kuomu chuero remo mana ni mondo oyud pesa. To moko bende okawo ohala kuom pesa ma giholo jo-Israel wetegi, kendo gidoko momew e yor wuond. Wiu osewil koda. An Ruoth Nyasaye ema awacho kamano.

Ezekiel 22:29

Ji ajia bende wuondo ji kendo mecho. Gisando joma odhier kod jopinje mamoko modak kuomgi.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

1 Jo-Korintho 6:10

kata jokuo, kata jogombo, kata jomer, kata joma ketho nying ji, kata jomecho, ok noyud gueth mar Loch Nyasaye.

Rapar mar Chik 27:19

“ ‘Okuong’ ng’at moketho buch japiny moro modak kodu, kata buch nyathi ma kich, kata buch chi liel.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

1 Johana 3:15

Ng’at mamon gi wadgi en janek, to ung’eyo ni janek onge gi ngima ma nyaka chieng’ kuome.