Zekaria 6:14 - MUMA MALER 2015

¹⁴ To Heldai gi Tobia gi Jedaya kod Josia wuod Zefania ema nobed karito osimbo kaka rapar e Hekalu mar Ruoth Nyasaye.”

Motingʼo Loko Manyien

¹⁴ Osimbo ibiro mi Heldai, Tobija, Jedaya kod Hen wuod Zefania kaka gir rapar ei hekalu mar Jehova Nyasaye.

Zekaria 6:14 ပူးပေါင်းရင်းမြစ်များ

2 Ruodhi 25:18

Nebuzaradan, jatend lweny maduong’, nomako Seraya jadolo maduong’, gi Zefania jadolo maluwe, kod ji adek ma jorit dhood Hekalu.

Wuok 12:14

“Odieching’no nobednu chieng’ rapar, omiyo nyaka urite ka sawo mochwere ni Ruoth Nyasaye kuom tiengeu duto.

Wuok 28:12

Tuegi e misib efod, obed rapar mar yawuot Israel. Harun noting’ nyinggi e goke ka rapar e nyim Ruoth Nyasaye.

Wuok 28:29

Kamano ka Harun donjo Kama Ler, nobed koting’o nying yawuot Israel e law agoko mar ng’ado bura e kore ka rapar e nyim Ruoth Nyasaye kinde duto.

Zekaria 6:10

“Kaw fedha gi dhahabu kuom joma ne omak moter e tuech, ma nyinggi Heldai gi Tobia kod Jedaya, ma joseduogo koa Babulon, mondo idhiyo e od Josia wuod Zefania mana chieng’ mikawogieno.

Zekaria 6:11

Kaw fedha gi dhahabugo mondo ilosgo osimbo, isidh ewi Joshua wuod Jehozadak jadolo maduong’,

Kwan 16:40

mondo obed rapar ni jo-Israel ni ng’ato ang’ata ma ok jadolo, kendo ma ok jaka Harun kik wang’ ubani ni Ruoth Nyasaye, nono to otho mana kaka Korah kod joge. Mago duto notimore mana kaka Ruoth Nyasaye nomiyo Musa ochiko Eleazar.

Kwan 31:54

Kamano Musa gi Eleazar jadolo noyudo dhahabu kuom jotend ogend lweny madongo gi matindo, mi ne gikelo e Hema Miromoe gi Nyasaye mondo Ruoth Nyasaye opargo jo-Israel.

Mathayo 26:13

Awachonu adier ni kamoro amoro ma nolandie wach maber man kuomani e piny duto to gima dhakoni osetimo bende nohul, kiparego.”

Mariko 14:9

Awachonu adier ni kamoro amora ma nolandie Wach Maber e piny duto, to gima dhakoni osetimo bende nohul kiparego.”

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.

Joshua 4:7

to ununyisgi kaka pi aora Jordan noduono kane Sandug Muma mar Ruoth Nyasaye kadho. Kamano kitego nobed rapar ni jo-Israel ndalo duto.”

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.