Zekaria 6:12 - MUMA MALER 2015

¹² kiwachone niya, ‘Weche ma Ruoth Nyasaye Manyalo Gik Moko Duto owacho e magi: Jali e ng’at miluongo ni Badyath. Obiro dhi nyime maber, kodongo piyopiyo kama entie, kendo obiro gero Hekalu mar Ruoth Nyasaye.

Motingʼo Loko Manyien

¹² Nyise ni Jehova Nyasaye Maratego wacho kama: ‘Ma e ngʼat ma nyinge iluongo ni Bad Yath, kendo obiro dongo maber kama entie mi oger hekalu mar Jehova Nyasaye.

Zekaria 6:12 ပူးပေါင်းရင်းမြစ်များ

2 Samuel 7:13

En ema nogerna ot, kendo anager lochne osik nyaka chieng’.

Ezra 3:10

Kane jogendo oseketo mise mar Hekalu mar Ruoth Nyasaye, jodolo morwako lep dolo, nochung’ keregi ka goyo tung’, kendo jo-Lawi ma nyikwa Asaf bende nogoyo ongeng’o ka pako Ruoth Nyasaye kaka Daudi ruodh Israel nochiko.

Ezra 3:8

E due mar ariyo mar higa mar ariyo bang’ duokgi e Od Nyasaye Jerusalem, Zerubabel wuod Shealtiel kod Jeshua wuod Josadak ne jochako tich, ka jodolo gi jo-Lawi gi jo-Israel wetegi duto ma noa e tuech, mobiro Jerusalem, konyogi. Ne giyiero jo-Lawi ma hikgi piero ariyo kadhi nyime, mondo orit tich Od Ruoth Nyasaye.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 53:2

Jatich Ruoth Nyasaye nodongo e nyime mana ka yath ma tiendene nie lowo motwo. Ne oonge gi chia, bende ne oonge gi duong’ moro, mane nyalo mako wang’wa, mi mi wahere.

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 33:15

E kindeno anakel nyakwar Daudi hie, mi enotim gik malong’o kendo makare.

Ezekiel 37:25

Ginidag e piny mane amiyo Jakobo jatichna. En e piny mane kweregi odakie. Ginidag kuno kaachiel gi nyithingdi kod nyikwagi nyaka chieng’, kendo jatichna Daudi nobed ruodhgi mochwere.

Ezekiel 41:1

Bang’ mago duto, ng’atno notera e ot madiere mar Hekalu, miluongo ni Kama Ler. Ne opimo yo midonjogo e odno, mi oyudo ni borne mita adek,

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Mika 5:5

mi enobed ng’at makelo kue. Ka jo-Asuria omonjo pinywa, mi omwomo miechwa mochiel motegno, to wanaor jotendwa marateke moloyo, mondo oked kodgi,

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Zekaria 8:9

Ruoth Nyasaye Manyalo Gik Moko Duto wacho kama: “Beduru gi chir, un joma ndaloni weche ma jonabi osebedo kawacho, chakre chieng’ mane iketoe mise mar Hekalu mara, mondo ochak oger kendo.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Mathayo 26:61

mowacho niya, “Ng’atni nowacho ni onyalo ketho Hekalu mar Nyasaye, mi kendo ochak ogere kuom ndalo adek.”

Mariko 14:58

“Ne wawinjo kowacho ni ‘Abiro muko Hekalu ma lwet dhano ema ogeroni, to bang’ ndalo adek abiro gero machielo ma ok dhano ema ogero.’ ”

Mariko 15:29

Joma ne kadho kanyo nojaro Yesu katwenyone umgi, kendo wachone niya, “Oo! In mane iwacho ni ibiro muko Hekalu, mi ichak iger bang’ ndalo adek,

Mariko 15:39

Kane jaduong’ lweny mane oyudo ochung’ e nyim msalaba kanyo oneno kaka Yesu okok ka chunye chot, nowacho niya, “Adier ng’atni ne en Wuod Nyasaye!”

Luka 1:78

Mano notimre nikech Nyasachwa ng’won kendo muol. Enomi Jal mawuok e polo, machalo gi ler mar okinyi, limwa,

Johana 1:45

Filipo noyudo Nathaniel, mowachone niya, “Wasenwang’o jal mane Musa ondiko kuome e Kitap Chik, kendo mane jonabi bende ondiko kuome. En Yesu, wuod Josef, ja-Nazareth.”

Johana 19:5

Kamano Yesu nowuok oko, korwakne osimbo mar kudho kod kandhu makwar. Eka Pilato nowachonigi ni, “Neuru! Ng’at onogo eri!”

Tich Joote 13:38

Kuom mano, owetena, unyalo neno uduto ni kuom Yesu ema ilandonue wach mar weyo richo.

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

1 Jo-Korintho 3:9

Waduto wan jotich Nyasaye; un to un puoth Nyasaye, kendo un ot ma Nyasaye gero.

Jo-Hibrania 10:12

Kristo to notimo misango achiel kende mar golo richo, moromo nyaka chieng’, mi obet e bad Nyasaye korachwich, mana kaka Muma wacho.

Jo-Hibrania 7:24

Yesu to nigi tich dolo ma ok we ni ng’at moro machielo, nikech osiko nyaka chieng’.

Jo-Hibrania 7:4

Parieuru duong’ ma jali nigo, ka Ibrahim kwarwa ema ne omiye achiel kuom apar mag gik mabeyo mope!

Jo-Hibrania 8:3

Jodolo madongo duto oketi mondo ochiw mich, kendo otim misengni, omiyo jadolowa maduong’ni bende nyaka bed gi gimoro mochiwo.