Zekaria 5:2 - MUMA MALER 2015

² Eka malaika cha nopenja niya, “Ineno ang’o?” Ne adwoke ni “Aneno kalatas moban kahuyo. Borne oromo mita apar, to lachne mita abich.”

Motingʼo Loko Manyien

² Nopenja niya, “En angʼo mineno?” Ne adwoke niya, “Kalatas mafuyo e kor yamo, ma borne oromo fut piero ochiko gaboro, to lachne fut piero angʼwen gochiko.”

Zekaria 5:2 ပူးပေါင်းရင်းမြစ်များ

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Amos 7:8

Eka Ruoth Nyasaye nopenja niya, “Amos, ang’o minenono?” Ne adwoke niya, “Aneno tol mar rapim.” Ruoth Nyasaye nowacho niya, “Apimo chuny joga Israel gi rapim, mana kaka ng’ama pimo kor ot, kendo ok nachak awenigi ngang’.

Zefania 1:14

Odiechieng’ mang’ongo mar Ruoth Nyasaye chiegni. En odiechieng’ marach, kendo obiro koringo piyopiyo, moloyo jalweny ma jang’wech.

Zekaria 4:2

Ne openja niya, “Ineno ang’o?” An to ne adwoke niya, “Aneno rachung taya mar dhahabu man gi tawo e wiye. Rachung tayano oting’o teyni abiriyo, kendo taya ka taya nigi kuonde abiriyo mirwakoe kitambi.

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!

Fweny 18:5

nikech richone osebiwore mochopo nyaka e polo, kendo Nyasaye koro oseparo timbene mamonogo.