Zekaria 4:6 - MUMA MALER 2015

⁶ Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Motingʼo Loko Manyien

⁶ Omiyo nowachona niya, “Ma e gima Jehova Nyasaye wacho ne Zerubabel: ‘Ok timre kuom nyalo kata kuom teko, to mana kuom Roho mara,’ Jehova Nyasaye Maratego owacho.

Zekaria 4:6 ပူးပေါင်းရင်းမြစ်များ

Chakruok 41:16

To Josef nodwoke niya, “Ngang’! An ok anyal to Nyasaye biro dwoki maber.”

1 Ruodhi 19:12

Bang’e ka piny oseyiengni, ne nitie mach; to Ruoth Nyasaye ok ne nie mach. To bang’ mach, piny noling’ thi.

2 Weche mag Ndalo 14:11

Asa noywak ni Ruoth Nyasaye ma Nyasache niya, “A Ruoth Nyasaye ma Nyasachwa, konywa nikech wageno kuomi, kendo wabiro rado gi ogandani mana e nyingi. A Ruoth Nyasaye, in e Nyasachwa, kik dhano adhana loyi!”

Ezra 2:2

Jotendgi ne gin: Zerubabel, gi Jeshua, gi Nehemia, gi Seraya, gi Reelaya, gi Mordekai, gi Bilshan, gi Mizpar, gi Bigvai, gi Rehum, kod Baana.

Ezra 3:10

Kane jogendo oseketo mise mar Hekalu mar Ruoth Nyasaye, jodolo morwako lep dolo, nochung’ keregi ka goyo tung’, kendo jo-Lawi ma nyikwa Asaf bende nogoyo ongeng’o ka pako Ruoth Nyasaye kaka Daudi ruodh Israel nochiko.

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 30:1

Ruoth Nyasaye wacho niya, “Yaye, unune malit, un nyithinda ma jopiem! Uchano timo gik moko ma ok meka, bende utimo winjruok gi ogendini mamoko, to an ok ahero. Kamano umedo mana richo ewi richo!

Isaya 32:15

nyaka chop roho moa e polo malo lor kuomwa. Eka piny motwo nolokre puothe momew, mi yien mabeyo dongie.

Isaya 34:16

Somuru kitap Ruoth Nyasaye, to ubiro yudo ni onge achiel kuom gigo ma nobed maonge, kendo roho mare ema nochokgi.

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Daniel 2:34

E sa mane irangee, kidi maduong’ nomukore kende e got moro, ka onge ng’ama omule, mi ogoyo tiend kido mane olos gi nyinyo kod lowono, mi oturo matindotindo.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Hagai 2:21

“Nyis Zerubabel jatend Juda ni abiro yiengo polo gi pinyu.

Zekaria 6:12

kiwachone niya, ‘Weche ma Ruoth Nyasaye Manyalo Gik Moko Duto owacho e magi: Jali e ng’at miluongo ni Badyath. Obiro dhi nyime maber, kodongo piyopiyo kama entie, kendo obiro gero Hekalu mar Ruoth Nyasaye.

Kwan 27:16

“A Ruoth Nyasaye ma Nyasach ngima, yier jatelo ni ogandani,

Jo-Efeso 6:17

Rwakuru warruok ka ogut lweny, kendo makuru wach Nyasaye ka ligangla ma Roho miyou.

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 17:47

Kamano joma ochokore ka duto biro ng’eyo ni Nyasaye ok res joge gi ligangla kod tong’. Lweny en mar Ruoth Nyasaye, kendo en ema obiro ketou e lwetwa.”