Zekaria 4:14 - MUMA MALER 2015

¹⁴ Bang’e nowachona niya, “Mago gin ji ariyo mowal ni tij Ruodh piny ngima.”

Motingʼo Loko Manyien

¹⁴ Eka nokona niya, “Magi e ji ariyo mowir mondo otine Ruoth Nyasaye e piny ngima.”

Zekaria 4:14 ပူးပေါင်းရင်းမြစ်များ

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Zaburi 110:4

Ruoth Nyasaye osekuong’ore, kendo ok nolokre nga’ng’, kuom wachne mowacho ni, “In jadolo nyaka chieng’, e tich dolo mar Melkizedek.”

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Zaburi 89:20

Aseyiero Daudi jatichna, mi awire gi mo ka akete ruoth.

Wuok 29:7

Eka ikaw mor wir, iol e wiye kiwalego.

Wuok 40:15

Wirgi mana kaka isewiro wuon-gi, mondo gin bende gibed jodolona. Wirno biro miyo gibedo jodolona kaachiel gi nyikwagi kuom tiengegi duto nyaka chieng’.”

Isaya 5:1

Abiro wero ni jaherana wenda mar hera, ma awerego puothe mar mzabibu. Jaherana ne nigi puoth mzabibu e bath got kama omew.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Jeremia 49:19

Anabi mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Edom mwomre gi ng’uech kaa. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda? En ruoth mane ma dikwer wachna?

Tim jo-Lawi 8:12

Noolo mo moko ewi Harun, mi owire, kokete e tich dolo.

Mika 4:13

Mano emomiyo Ruoth Nyasaye wacho niya, “Un jo-Jerusalem, chakuru kumo wasiku! Abiro miyo ubedo maratego ka rwath ma tunge tek ka nyinyo, kendo ma tiende chalo chuma. Ubiro nyono ogendini mang’eny, kendo unuwalna mwandugi kod gik ma giseyako, obed maga, an Ruoth Nyasaye ma ruodh piny ngima.”

Zekaria 6:13

Adier, en ema obiro gero Hekalu mar Ruoth Nyasaye. Bende en ema obiro bedo ruoth, kobet e kom duong’, kotiyo piny, ka jodolo konye, kendo kue nobed e kindgi ji ariyogo.’

Zekaria 6:5

Eka nodwoka ni, “Magi gin yembe ang’wen mag polo mowuok e nyim Ruodh piny ngima, kuma gisebedoe ka gitiyoe.”

Luka 1:19

Malaika nodwoke ni, “An e Gabriel, mochung’ e nyim Nyasaye. En ema oseora mondo alos kodi, kendo anyisi wach maberni.

Rapar mar Chik 10:8

“E kindego Ruoth Nyasaye nowalo jo dhood Lawi mondo obed joting’ Sandug Muma mare, kendo obed jodolo mage, ka giguedho ji e nyinge, mana kaka pod gitimo nyaka chil kawuono.

Joshua 3:11

Sandug Muma mar Ruoth Nyasaye ma Ruodh piny ngima notelnu kung’ado aora Jordan,

Fweny 11:4

Joneno ariyogo gin yien ariyo mag zeituni, kendo gin teyni ariyo mochung’ e nyim Ruodh piny ngima.

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”