Zekaria 4:1 - MUMA MALER 2015

¹ Bang’e malaika mane osebedo ka wuoyo koda nodwogo mochiewa, mana ka ng’ama ochiew e nindo.

Motingʼo Loko Manyien

¹ Malaika mane osebedo kawuoyo koda nochiewa, mana kaka ichiewo ngʼato ma nindo.

Zekaria 4:1 ပူးပေါင်းရင်းမြစ်များ

Jeremia 31:26

Kuom mano ji nowach niya, ‘Nindo noterowa, to ka ne wachiew ne wanwang’o ka chunywa oduogo.’

Daniel 8:18

To kane owuoyo koda, parona ne olal, mana kama ne apodhoe aumano. To ne omaka mochunga,

Zekaria 1:13

Ruoth Nyasaye nodwoko malaika mane osebedo kawuoyo koda, kohoyo chunye gi weche mabeyo.

Zekaria 1:19

Eka ne apenjo malaika mane wuoyo koda ni, “Magi to ang’o?” Ne odwoka ni “Gin ruodhi mosekeyo jo-Juda gi jo-Israel kod jo-Jerusalem.”

Zekaria 1:9

Kane anenogi kamano, ne apenjo malaika moro mane oyudo wuoyo koda niya, “Jaduong’, magi ang’o?” Ne odwoka ni, “Abiro nyisi tiendgi.”

Zekaria 2:3

Kane malaika mane awuoyogo owuok dhi, malaika machielo nothinyore kabiro romone, mowachone niya,

Zekaria 4:5

Malaika nodwoka kapenja ni, “Ikia gigi adier?” To ne adwoke ni, “Ooyo jaduong’, ok ang’eyogi.”

Luka 9:32

Nindo notero Petro kod joma ne gin-go, to kane gichiew ne gineno duong’ maler mar Yesu, kaachiel gi ji ariyo mane ochung’ kode kande.