Zekaria 3:6 - MUMA MALER 2015

⁶ Bang’e malaika mar Ruoth Nyasaye nochiko Josha gi teko niya.

Motingʼo Loko Manyien

⁶ Malaika mar Jehova Nyasaye nosiemo Joshua kawachone niya:

Zekaria 3:6 ပူးပေါင်းရင်းမြစ်များ

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Jeremia 11:7

Chakre kinde mane agoloe kweregi e piny Misri nyaka chil kawuono, asebedo kasiemogi matek mondo girit wechena.

Hosea 12:4

Ee, noi gi malaika, mi oloyo. Noywak kodwaro ni mondo oguedhe. Nyasaye noromo gi Jakobo Bethel, mi owuoyo kode.

Zekaria 3:1

Bang’e Ruoth Nyasaye nonyisa Joshua, jadolo maduong’, kochuny e nyim malaika mar Ruoth Nyasaye, kendo ne aneno Satan bende kochung’ e bad Joshua korachwich, mondo odonjne.

Zekaria 3:5

Nomedo wacho niya, “Sidhneuru kilemba e wiye”. Omiyo ne gisidhone kilemba maler, kendo girwakone lewni maler, ka malaika mar Ruoth Nyasaye ochung’ kanyo.

Zekaria 3:7

“Ruoth Nyasaye owacho kama: Ka iwuotho e yorena, kendo imako chiknani, to inibed gi loch e Hekalu mara, kendo inirit alwora mar Hekalu, bende anamiyi thuolo mar donjo e nyima kaachiel gi joma tiyonagi.