Zekaria 3:10 - MUMA MALER 2015

¹⁰ Chakre chieng’no un duto unudag e miechu gi kue, ka ng’ato ka ng’ato luongo wadgi mondo odhi olime. An Ruoth Nyasaye Manyalo Gik moko Duto ema awacho kamano.’ ”

Motingʼo Loko Manyien

¹⁰ “Jehova Nyasaye Maratego wacho niya, ‘Chiengʼno ngʼato ka ngʼata kuomu noluong wadgi mondo obi oywe e bwo yiende mag mzabibu kod mag ngʼowu.’ ”

Zekaria 3:10 ပူးပေါင်းရင်းမြစ်များ

1 Ruodhi 4:25

E ndalo Solomon duto, jo-Juda gi jo-Israel duto nodak e miechgii gi kue, chakre Dan yo nyandwat, nyaka Beer-sheba, yo milambo.

1 Ruodhi 5:5

Emomiyo koro adwaro gero ni Ruoth Nyasaye ma Nyasacha, ka aluwo singruok mane omiyo Daudi wuora, kowacho niya, ‘Wuodi ma naket ruoth kari ema nogerna Hekalu.’

Isaya 32:18

Kamano joga nobed e piny mokue, ka gidak gi mor, ma onge koko.

Isaya 36:16

Kik uwinj wach Hezekia, nimar ruodh Asuria owacho niya, ‘Winjreuru koda, mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Jeremia 32:15

nikech Ruoth Nyasaye Manyalo Gik Moko duto kendo ma Nyasach Israel osewacho ni udi gi puothe mag mzabibu nochak ong’iew kendo e pinyni.”

Hosea 2:18

“Bang’ mano anatim singruok gi le mae thim gi winy mae kor polo kod gik mamol e lowo ni kik gihiny joga. Eka natur atung’ gi ligangla kod gimoro amora mar lweny, mi aywegi oko e piny mondo joga odag gi kue.

Mika 4:4

To ng’ato ka ng’ato nodag e dalane gi kue, koyueyo e tipo yiend mzabibu mare kod ng’ope, ma onge gima goye kibaji. Ruoth Nyasaye Manyalo Gik Moko Duto ema osesingore kamano.

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu