Zekaria 2:8 - MUMA MALER 2015

⁸ Ruoth Nyuasaye Manyalo Gik Mooko Duto oherou malich ahinya, ma ka ng’ato mulou, to ng’atno soko mana wang’a owuon. Emomiyo Ruoth Nyasaye mane oora gi ote maduong’ ir ogendini ma noyakou owacho kama:

Motingʼo Loko Manyien

⁸ Nimar ma e gima Jehova Nyasaye Maratego owacho, “Bangʼ ka osemiya duongʼ kendo oseora mondo arad gi pinje mosepeyou, kendo mondo anyisgi ni ngʼato angʼata momulou osoko mana tong wangʼ Nyasaye,

Zekaria 2:8 ပူးပေါင်းရင်းမြစ်များ

Chakruok 20:6

Nyasaye nodwoke niya, “Ee, ang’eyo ni isetimo kamano kikia. Kuom mano ne ok ayie mondo iriwri kode, mi iketh e nyima.

2 Ruodhi 24:2

Eka Ruoth Nyasaye nooro mony mag jo-Babulon gi mag jo-Aram, gi mag jo-Moab kod mag jo-Amon, mondo oked gi jo-Juda, kendo ne giketho pinygi chuth, kaka Ruoth Nyasaye nosemiyo jatichne ma janabi owacho.

Zaburi 17:8

Rita mana kaka dirit wengeni iwuon, kendo panda e tipo bwombeni,

Ngeche 7:2

Tim kaka anyisi, eka inibed mangima. Rit chikena, mana kaka dirit tong wang’i.

Isaya 49:19

Kata obedo ni okethi kendo miechi odong’ gundni kamano, to ibiro yudo ni idoko matin, ma ok nyal romo jogi dakie. Bende jogo mane okethi noriemb dhi mabor.

Jeremia 12:14

Ruoth Nyasaye wacho niya, “An gi gima adwaro wacho kuom ogendini maricho mokiewo gi jo-Israel. Abiro pudhogi oko e pinygi ka yien mipudho, mi nares jo-Juda kuomgi.

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Ezekiel 25:12

Ruoth Nyasaye nowacho niya, “Jo-Edom nochulo kuor malit kuom Juda, kendo kuor mane gichulono osekelo ketho mosiko kuomgi.

Ezekiel 25:15

Ruoth Nyasaye nochako owacho niya, “Jo-Filistia osechulo kuor malit ni wasikgi manyaka nene, mi gitiekogi ka gisin kodgi.

Ezekiel 26:2

mowachona niya, “Wuod dhano, joma odak e dala mar Turo goyo mahu gi mor, kawacho kama: ‘Jerusalem ne en dala ma ogendini duto chokoree kuom ohala, to koro osekethe. Dhorangaye oseyaworenwa, omiyo wabiro bedo momew, nikech oseloye, modong’ gunda.’

Ezekiel 26:20

Abiro teri e piny joma otho, mondo ibed gi joma notho chon. Anami idag e piny manie bwo lowono, kibudho e bur matut e kind gik machon mokethore, mi ok nichak iduog e piny joma ngima.

Ezekiel 35:5

“Ne umako sadha mosiko gi jo-Israel, mi umiyo oneggi e kinde mane masira omakogie, kikumogi mogik kuom richogi.

Ezekiel 36:11

Anami ji kaachiel gi jamni medre, kendo unubed mang’eny kaka ne un chon, mi ubed gi nyithindo mathoth. Unudag kuno kaka ne udak chon, mi ami udhi nyime maber moloyo. Eka unung’e ni an e Ruoth Nyasaye.

Ezekiel 38:11

Iniwach e chunyi niya, ‘We adhi amonj piny kama ji odakie mos gi kueno. En gi mier ma ok ochiel gi ohinga, kendo maonge gi dhorangeye molor matek.’

Ezekiel 38:14

“Kuom mano, wuod dhano, dhiyo inyis Gog ni an Ruoth Nyasaye awachone kama: ‘E kinde ma joga Israel odakie gi kueno,

Amos 1:11

Ruoth Nyasaye owacho niya, “Jo-Edom osetimo richo mang’eny, omiyo abiro kumogi mak orem, nikech ne gimonjo jowetegi ma jo-Israel, mi ginego malit, kendo ne ok gigeng’o mirimbgi, to ne gisiko ka gimako kodgi sadha marach.

Amos 1:13

Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead.

Amos 1:9

Ruoth Nyasaye owacho niya, “Jo-Turo osetimo richo mang’eny, omiyo abiro kumogi mak orem, nikech ne gidaro oganda moro, mi gitero e piny Edom e tuech, ka ok girito winjruok mar osiep mane gitimo kodgi.

Mika 4:11

Ogendini mathoth osechokore mondo omonju, ka wacho niya, “Jerusalem nyaka kethi! Wadwaro nenogo kokethore, mondo wagone siboi!”

Mika 5:6

mi giniketh piny Asuria gi lweny. Ginireswa ka jo-Asuria monjo pinywa.

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Habakuk 2:17

Timbe mahundu, mane utimo ni Lebanon, kendo nek mane unegogo le man kuno nodog e wiu, kendo nomi udhier nono, nikech usechuero remo e piny kendo e mier, bende usetimo timbe mahundu ni joma odakie duto.

Habakuk 2:8

Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Zefania 2:8

“Asewinjo ayany ma jo-Moab yanyogo joga gi ajara ma jo-Amon jarogigo, bende aseneno kaka gidonjo e lop joga manie tong’gi.

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu

Zekaria 2:9

“Abiro goyogi, mi uyakgi, un joma ne tiyonigi.” Kamano unung’e ni Ruoth Nyasaye Manyalo Gik Moko Duto ema ne oora.

Zekaria 8:5

Bende yawuowi gi nyiri nopong’ wang’yore mag dala ka tugo.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 25:45

Eka enodwokgi niya, ‘Awachonu adier ni, kane ok utimo kamano ni achiel matinie moloyo kuom joma tindogi, to an ema ne ok utimona.’

Johana 14:26

to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu.

Johana 17:18

Aseorogi e piny mana kaka in bende ne iora e piny.

Tich Joote 9:4

Ne opodho piny, mi owinjo ka dwol moro wachone niya, “Saulo! Saulo! Isanda nang’o?”

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.

2 Jo-Thesalonika 1:6

Adier, kaka Nyasaye en ng’ama kare, enosand joma sandou,

1 Johana 4:14

Waseneno ni Wuoro nooro Wuode mondo obed Jawar mar piny, kendo wanyiso ji wachno.