Zekaria 2:6 - MUMA MALER 2015

⁶ Ruoth Nyasaye wacho niya, “Ne akeyou e tunge ang’wen mag piny, to koro auru, uring ua e piny ma yo nyandwat.

Motingʼo Loko Manyien

⁶ Jehova Nyasaye nowacho niya, “Ringi ia e piny man yo nyandwat, nikech asekeyou nyaka e tunge angʼwen mag polo.

Zekaria 2:6 ပူးပေါင်းရင်းမြစ်များ

Chakruok 19:17

Kane gisegologi kamano, ne giwachonigi niya, “Ringuru utony. Kik ugo machiemo kata kik uchung’ kamoro amora e pap nyaka uchop e gode, nikech dipo ka utho.”

Zaburi 44:2

Ne ginyisowa kaka in iwuon ne iketogi e pinywani to iriembo ogendini mane ok ong’eyi, kendo kaka ne ikumo ogendini mamokogo, to imiyo jogi iwuon odak maber.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 55:1

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Jeremia 1:14

Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Jeremia 15:4

Abiro miyo ogendini duto mag piny bwog konenogi, nikech gik maricho mane Manase wuod Hezekia otimo Jerusalem kane en ruodh Juda.

Jeremia 3:18

Jo-Israel biro riwore gi jo-Juda, kendo gibiro wuotho kanyakla, ka gia yo nyandwat, ka giduogo e piny mane amiyo kwereu mondo obed mwandugi nyaka chieng’.

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Jeremia 31:38

Ruoth Nyasaye wacho niya, “Ndalo biro ma nochak ogerie dalani, chakre kama oger mabor mar ng’icho mar Hananel kochiko yo podho chieng’, nyaka rangach man kama ohinga gomogo.

Jeremia 31:8

Abiro kelogi kagologi yo nyandwat, kendo abiro chokogi kagologi e tung’ piny koni gi koni, kaachiel gi muofni gi rang’onde mi mon mayach kendo ma muoch kayo, mi giniduogi, ka gin oganda maduong’.

Jeremia 50:8

“Un jo-Israel, ringuru ua Babulon! Ringuru ua e pinyno! Un ema ukuong wuok ka nyuogi ma telo ni kweth.

Jeremia 51:45

Ng’ato ka ng’ato oring mirimba mager, mondo ores ngimane.

Jeremia 51:50

“Un joga man Babulon, useyombo tho! Koro ringuru ua, mak udigni. Kata ubor koda kamano, to paruru an Ruoth Nyasaye ma Nyasachu, kendo Jerusalem bende mondo upar.

Jeremia 51:6

Koro achulom kuor kendo akumo jo-Babulon, to ok onego negu nikech richogi, omiyo ringuru ua kuno, ukwo ngimau.

Ezekiel 11:16

To koro in Ezekiel, nyis jou moter e tuech ni an Ruoth Nyasaye, awacho ni kata obedo ni ne akeyogi e pinje mamoko mondo gidag e kind ogendini man maboyo, to kindeni ayie mondo gilama e pinje ma gintiego.

Ezekiel 17:21

Jolwenje marateke noneg e lweny, to modong’ noke kuonde duto. Eka unung’e ni an Ruoth Nyasaye ema asewuoyo.”

Ezekiel 5:10

Kuom mano, wuone nocham nyithindgi, to nyithindo bende nocham wuonegi Jerusalem.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Daniel 11:4

To ka lochne osegurore, pinye nopogre tieng’ ang’wen, kendo yawuote gi nyikwaye ok nobed ruodhi bang’e. Jomoko nono ema nokaw lochne gi thwon, to ok ginibed gi teko marom gi mane en go.

Amos 9:9

To anagol chik, mi anapiedh jo-Israel e kind ogendini duto, ka cham mipiedho e odheru, kendo kata wang’ cham achiel ok nolwar piny.

Zekaria 1:16

Emomiyo an Ruoth Nyasaye awacho kama: Aseduogo Jerusalem gi ng’wono mondo akeche. Omiyo kanyo ema ibiro chako igeroe oda, kaachiel gi udi mamoko duto.’ ”

Zekaria 2:7

Adier, ringuru, un jo-Sayun modak Babulon.”

Mathayo 24:31

Enoor malaikane e tung’ piny gi tung’ piny, ka tung’ ywak matek, mondo ochok joge ma oseyiero, chakre e tung’ piny konchiel nyaka komachielo.

Mariko 13:27

Enoor malaika e tung’ piny gi tung’ piny mondo ochok joma Nyasaye oseyiero, chakre e tung’ piny konchiel nyaka komachielo.

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.

Fweny 18:4

Eka ne achako awinjo dwol machielo moa e polo kawacho niya, “Un joga, auru kuom dalano, mondo kik uriwru e richone, kendo kik unwang’ masichene,

Ruth 4:1

Boaz nodhi e dhoranga Bethlehem, mobet piny. Bang’e noneno jadhoodgi mane osewuoyo kuome cha ka kadho kanyo, mowachone niya, “Akoni, bar ibi ku, ibed piny ka.” Kane osebiro, mobet piny,