Zekaria 2:13 - MUMA MALER 2015

¹³ Ji duto mondo oling’ e nyim Ruoth Nyasaye, nimar osechiew, moa kar dakne maler.

Motingʼo Loko Manyien

¹³ Ji duto mondo olingʼ thi e nyim Jehova Nyasaye, nikech osewuok oa kar dakne maler.”

Zekaria 2:13 ပူးပေါင်းရင်းမြစ်များ

2 Weche mag Ndalo 30:27

Jodolo gi jo-Lawi noguedho joma nochokore, mi Nyasaye nowinjogi, ka lemogi otundo kar dakne e polo.

Zaburi 11:4

Ruoth Nyasaye nie Hekalu mare maler, kendo en gi kom duong’ne e polo. Orango ji duto kendo oneno gik ma gitimo.

Zaburi 46:10

Owacho niya, “Weuru lweny, eka ung’e ni an e Nyasaye. An gi loch kuom ogendini kendo kuom piny ngima.”

Zaburi 68:5

Nyasaye modak e Hekalu mare maler rango nyithi kiye, kendo rito mond liete.

Zaburi 78:65

To achien, Ruoth Nyasaye ne ochiew ka ng’ama oa e nindo. Ne ochalo ng’at maratego ma kong’o oilo.

Isaya 14:2

Ogendini nodwuok jo-Israel thurgi, kuma ne giaye, mi jo-Israel nolok ogendnigo wasumbgi e piny Israel, ma Ruoth Nyasaye oseyiero. Jo-Israel nomak joma nomakogi, mi giti joma notiyogi.

Isaya 19:16

E ndalogo jo-Misri nobed manyap ka mon. Ginibed maluor, kendo ginikirni ka Ruoth Nyasaye Manyalo Gik Moko Duto orieyo lwete kuomgi mondo okumgi.

Isaya 41:1

Un pinje mae dhonembe, kod chulni chikuru itu, ka uling’ thi e nyima. Ogendini mondo obi abia! Gibi abia machiegni mondo giwuo ane. Waduto wanadonj kaachiel kama ing’adoe bura.

Isaya 51:9

A malo! A malo! Jiw badi motegno, A Ruoth Nyasaye. Jiwri kaka nijiwori chon e ndalo mokadho. Donge in ema nichwowo Ondieg Nam miluongo ni Rahab, mi ing’ado matindotindo?

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 57:5

Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

Jeremia 25:30

“To in Jeremia, nyaka ihul weche duto ma asewacho, kinyiso ji niya, ‘Ruoth Nyasaye ruto gie polo. Ee, owuoyo gie polo malo. Oruto korogo joge, kendo okok ka ng’ama biyo mzabibu, kendo ji duto modak e piny winje.

Habakuk 2:20

Ruoth Nyasaye to nie Hekalu mare. Piny duto mondo oling’ thi e nyime!

Zefania 1:7

Ling’uru thi e nyim Ruoth Nyasaye, nimar odiechienge chiegni. Ruoth Nyasaye oseloso misango, kendo osepwodho wende.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Zekaria 4:9

“Kaka Zerubabel ema oseketo mise mar Hekalu, e kaka en bende ema obiro tieke. Kamano unung’e ni Ruoth Nyasaye Manyalo Gik Moko Duto ema ne oora iru.

Zekaria 6:15

Ji moa kuonde maboyo nobi mondo okony tich gero Hekalu mar Ruoth Nyasaye. Kamano unung’e ni Ruoth Nyasaye Manyalo Gik Moko Duto ema oseora iru. To mano notimre mana ka uyie winjo wach Ruoth Nyasaye ma Nyasachu.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Jo-Rumi 9:20

To an adwoke ni, in dhano adhanani, in ng’a, ma dipenj Nyasaye wach?

Rapar mar Chik 18:21

To ma e kaka unyalo ng’eyo wach ma ok oa kuom Ruoth Nyasaye:

Rapar mar Chik 18:22

Ka janabi owacho wach moro e nying Ruoth Nyasaye to bang’e wachno ok ochopo kare, mano nyiso ni ok en wach Ruoth Nyasaye, to osewuoyo mana gi tekone owuon. Omiyo kik umiye duong’.

Rapar mar Chik 26:15

Rang piny gie polo kar dakni maler, mondo iguedh jogi Israel kod piny maber kendo momew misemiyowa, kaka nikuong’ori ni kwerewa.”